Accessibility links

чәршәмбе, 7 декабрь 2016, Казан вакыты 00:48

Yewropa Berlege räsmie: Gazpromnan qurqası yuq


Yewropa Berlegeneñ energiä komissarı Andris Piebalgs Gazpromnan qurqası yuq, di

Yewropa Berlegeneñ energiä komissarı Andris Piebalgs Gazpromnan qurqası yuq, di

Rusiäneñ Yewropa illäre belän energetika ölkäsendä ber-ber artlı ike kileşü tözüe Yewropanı Rusiä gazına artıq bäyle itmäsme digän şöbxälär tudırdı. Yewropa Berlegeneñ energiä komissarı Andris Piebalgs, radiobızğa birgän äñgämäsendä, bu şöbxälärne kire qaqtı.


Mäğlüm bulğança, Yewropa Berlege Nabucco dip atalğan, Rusiäne urap uzaçaq başqa ber ütkärgeçne alğa sörä. Kaspi gazın Törkiä aşa Yewropağa quası bu ütkärgeç artında Avstriäneñ OMV, Macarstannıñ MOL kebek şitkärläre tora.

Rusiäneñ Könyaq Ağım dip atalğan ütkärgeçe bu proyektqa alternativ bularaq qabul itelde. Qayber belgeçlär, Könyaq Ağım tormışqa aşsa Nabucconıñ ähämiäte kimi dip sanıy. Rusiäne gaznı säyäsi maqsatlarda qullanuda ğayepläwçelär dä bar.

Yewropa Berlegeneñ energiä komissarı Andris Piebalgs, radiobızğa birgän äñgämäsendä, bu şöbxälärne kire qaqtı:

"Min bik pragmatik keşe. Min monı şantaj dip kürmim. Añlawımça, Gazprom gazınıñ zur öleşen Yewropağa satırğa qarar itkän. Minemçä, säbäbe – säyäsät kenä tügel. Alar bu bazarnı belä, täcribäläre bar, gaz öçen zur kerem qazanaçaqların yaxşı añlıy" di Yewropa Berlege wäkile.

Şulay da, Gazpromnıñ Bolğarstan häm başqa illär belän tözelgän kileşülärendä säyäsätne kürmäsä dä, Piebalgs, Serbiä oçrağında ul bar, dip sanıy:

"Serbiä oçrağında, säyäsi muskullar älbättä uynıy, anı säyäsi-iqtisadi kileşü dip atarğa bula, läkin başqa illär belän kileşüdä min säyäsät kürmim" di Yewropa Berlege wäkile.

Bügenge köndä Yewropanıñ gazğa ixtıyacı 500 milliard kubometr sanala. Şunıñ 200-en ul üze citeşterä, qalğan 300-en çittän kiterä. Üzendä citeçterü kimi, ixtiac arta bara, 2020 yılda bu ayırma 300 milliard kubometrğa citer sip sanala.

Çittän kilgän qaznıñ 25%-tı - Rusiädän. Piebalgs süzlärençä, Yewropanı inde bügen ük Rusiägä küpmeder däräcädä bäyle dipatarğa ärgä bula. Kiläçäktä, gazğa ixtiac artaçaq, läkin bu san 30%-tan artmayaq. Yağni, ällä ni zur üzgäreş bulmayaçaq, dip sanıy Yewropa Berlegeneñ energiä komissarı Andris Piebalgs.
XS
SM
MD
LG