Мишкә районында ҡаралтыларҙы ер йота

Ҙур Шиҙе ауылында бер һарай ишелеп төшә. Йорт хужаһы быйыл йортон да яңыртырға йыйынған булған. Хәҙер бушлыҡ булған был тирәнән күсергә теләй. Тик хужалығын күсереп һалыу өсөн аҡсаһы юҡ уның.

Мишкәлә һарайҙы ер упһа, Ауырғазыла, киреһенсә, ер аҫтынан бысраҡ бәрә. Солтанморат ауылы эргәһендә торба тишелеү арҡаһында түгелгән нефтте һаман да йыйып бөтә алмайҙар. Башҡортостанда әлегә көндәрҙең һыуытып ямғырҙар булмай тороуы ғына экология хәлен ул тиклем ҡурҡынысҡа әйләндермәй.