Accessibility links

җомга, 9 декабрь 2016, Казан вакыты 07:08

Ukraina räsmiläre Rusiä jurnalistına sıyınu birüläre turında xäbär itte. Aleksandr Kosvintsev radiobızğa birgän äñgämäsendä Rusiädä jurnalist häm oppozitsiä wäkile bularaq ezärleklängän buluın söyläde.


Aleksandr Kosvintsev Kemerovo ölkäseneñ Russkiy reporter isemle atnalıq gäzite möxarrire bulğan. 2005 yılnıñ avgustında Garri Kasparovnıñ Berläşkän watandaşlar frontı oyışmasınıñ cirle bülekçäsen citäkli başlagaç, aña telefon aşa yanawlar kilä başlağan.

“Xoquq saqlaw buınnarında eşlägän keşelär miña saq bulırğa, maşinada yalğız yörmäskä, militsiä kiemenä kiengän keşelär yulda tuqtatıp qıynarğa yä narkotik qıstırırğa mömkinnär dip kisättelär” dip söyli Aleksandr Kosvintsev.

Xakimiät anı jurnalist bulğanda uq söymägän, tänqitle mäkälälär öçen berniçä tapqır mäxkämä tartqan. Kasparov oyışmasın citäkli başlağaç, anıñ artınnan küzätä, telefonın tıñlıy başlağannar, öyenä militsiä kilgän, ber tapqır oçqıçtan töşergännär.

Aleksandr süzlärençä, Kemerovo gubernatorı Aman Tuleev prokuror isemenä “bez anıñ jurnalist bularaq ta, Berläşkän watandaşlar frontınıñ cirle citäkçese bularaq ta, artınnan küzätep torabız, çaralar küräbez” digän äläk yazğan.

Moscow Times gäzite yazuınça, Kemerovo prokuraturası 2 yıl elek Tuleevtan möräcäğät alğanın tanığan, läkin citärlek nigez bulmaw säbäple ber eş tä açmağan.

Kosvintsev 2006 yılnıñ dekaberendä Ukrainağa kitkän. 2007 yılnıñ fevralendä syınu sorağan. Ukrainanıñ ul çaqtağı Rusiä taraflı xakimiäte, bu ike il arasındağı mönäsäbätlärgä zıyan itäçäk dip berni eşlämägän.

Nixayät, demokratik xakimiät kilgäç, eş quzğaldı, di Aleksandr. Uzğan yılnığ dekaberendä Lviv ölkäseneñ migratsiä xezmäte aña säyäsi sıyınu birgän.

Xäzer ul Kievta yäşi, Ukrainanıñ Veçernie Vesti gäziteneñ baş möxarrire. “Min bu gäzittä eşli başlağaç, bigräk tä möxärrir bulğaç, Rusiädäge xällärne yaqtırtu tamırdan üzgärde. Bez ukrainnarğa Rusiäneñ çınbarlığın, Putin rejimınıñ närsädän ğibärät ikänen añlatabız. Bu mäğlümätlärne Ukrainanıñ başqa basmalarında tabıp bulmıy” di Kosvintsev.

Ukrainada üzegezne imin xis itäsezme, digän sorawğa, Kosvintsev, jurnalist härçaq mina östennän yöri, läkin mäğlümät çaraları yärdäm itkännän soñ, başqa yanawlar bulmadı, dide. Alay da, anığ süzlärençä, ike iminlek xezmätkäre kilep kitkän, läkin alar üzlärenä nindi kompromat buluı belän genä qızıqsınğan.

Русия журналисты Украинада сыену алган

Украина рәсмиләре Русия журналистына сыену бирүләре турында хәбәр итте. Александр Косвинцев радиобызга биргән әңгәмәсендә үзенең Русиядә журналист һәм оппозиция вәкиле буларак эзәрлекләнгән булуын сөйләде.

Александр Косвинцев Кемерово өлкәсенең Русский репортер исемле атналык гәзите мөхаррире булган. 2005 елның аугустында Гарри Каспаровның Берләшкән ватандашлар фронты оешмасының җирле бүлекчәсен җитәкли башлагач, аңа телефон аша янаулар килә башлаган.

“Хокук саклау буыннарында эшләгән кешеләр миңа сак булырга, машинада ялгыз йөрмәскә, милиция киеменә киенгән кешеләр юлда туктатып кыйнарга я наркотик кыстырырга мөмкиннәр дип кисәттеләр” дип сөйли Александр Косвинцев.

Хакимият аны журналист булганда ук сөймәгән, тәнкитле мәкәләләр өчен берничә тапкыр мәхкәмә тарткан. Каспаров оешмасын җитәкли башлагач, аның артыннан күзәтә, телефонын тыңлый башлаганнар, өенә милиция килгән, бер тапкыр очкычтан төшергәннәр.

Александр сүзләренчә, Кемерово губернаторы Аман Тулеев прокурор исеменә “без аның журналист буларак та, Берләшкән ватандашлар фронтының җирле җитәкчесе буларак та, артыннан күзәтеп торабыз, чаралар күрәбез” дигән әләк язган.

Мосҗов Тимес гәзите язуынча, Кемерово прокуратурасы 2 ел элек Тулеевтан мөрәҗәгәт алганын таныган, ләкин җитәрлек нигез булмау сәбәпле бер эш тә ачмаган.

Косвинцев 2006 елның декаберендә Украинага киткән. 2007 елның февралендә сену сораган. Украинаның ул чактагы Русия тарафлы хакимияте, бу ике ил арасындагы мөнәсәбәтләргә зыян итәчәк дип берни эшләмәгән.

Нихаят, демократик хакимият килгәч, эш кузгалды, ди Александр. Узган елныг декаберендә Лвив өлкәсенең миграция хезмәте аңа сәяси сыену биргән.

Хәзер ул Киевта яши, Украинаның Вечерние Вести гәзитенең баш мөхаррире. “Мин бу гәзиттә эшли башлагач, бигрәк тә мөхәррир булгач, Русиядәге хәлләрне яктырту тамырдан үзгәрде. Без украиннарга Русиянең чынбарлыгын, Путин режимының нәрсәдән гибәрәт икәнен аңлатабыз. Бу мәглүмәтләрне Украинаның башка басмаларында табып булмый” ди Косвинцев.

Украинада үзегезне имин хис итәсезме, дигән сорауга, Косвинцев, журналист һәрчак мина өстеннән йөри, ләкин мәглүмәт чаралары ярдәм иткәннән соң, башка янаулар булмады, диде. Алай да, аныг сүзләренчә, ике иминлек хезмәткәре килеп киткән, ләкин алар үзләренә нинди компромат булуы белән генә кызыксынган.
XS
SM
MD
LG