Accessibility links

Кайнар хәбәр

Yıllıq iminlek konferensiäse Münxendä başlandı



Münxen – Dönya iminlek säyäsätenä bağışlanğan konferensiä bügen Münxendä başlandı.Yıllıq konferensiägä dönyanıñ saqlanu häm iminlek säyäsätendäge yuğarı räsmiläre qatnaşa. Konferensiä açlışıñ Törkiä premyerı Recep Tayyip Erdoğan başlap cibärde. Ul yasağan çığışında Törkiä iminlegenä qarata borçılular turında söyläde. Erdoğan, "Törkiä töbäkne terorçılıqtan arındırğançığa qadär PKK ğisyançı suğışçıları belän köräşne däwam itteräçäk" dide.

Bu yılğı iminlek utırışında Rusiä prezidentı Vladimir Putin qatnaşmıy. Putinneñ uzğan yılğı İminlik konferensiäsendä yasağan çığışı dönyada tawış quptarğan ide. Rusiä prezidentı anda könbatışnı salqın suğışnı yänädän başlatırğa tıruşuda ğayepläde.

AQŞ saqlanu ministrı Robert Gates belän Rusiä Premyere urınbasarı Sergey İvanovnıñ irtägä delegatlar aldında çığış yasawı kötelä.
XS
SM
MD
LG