Accessibility links

пәнҗешәмбе, 8 декабрь 2016, Казан вакыты 12:59

►Qazan "xärbi aqqoşlar" oçıra ►Bögelmädä ike uqıçı qız köçlänep üterelgän ►Tolyattida “Yazlar moñı” tatar cırı festivale uzdı ►Mäskäw mädäni üzägendä Ciñü bäyräme

--------------------------------------------------------------------------------------------

►Qazan "xärbi aqqoşlar" oçıra

Tu-160 xärbi oçqıçı
Sişämbe Qazannıñ aviatözeleş berläşmäse, legendar xärbi oçqıç Tu-160nıñ soñğı ürnägen Rusiä idaräse qaramağına küçerde. Belgeçlär arasında bu waqıyğağa qarata törle fikerlär bar. Beräwlär monı KAPOnıñ şul räweşle, sovet zamanınnan qalğan soñğı xärbi oçqıçtan qotıluı, dip atıy, ikençelär yänä Tu-160 oçqıçınıñ köçlelegen iskä alıp, bu Qazannıñ küpmeder däräcädä ciñüe, dip sanıy.

Tarixqa küz salsaq, mondıy oçqıçlarnı çığarmasqa digän qararnı prezident Yelsin 1992 yılda buldıra. 16 yıl uzğaç, bu oçqıçnıñ soñğı ürnäge tözelep bette, xäzer ul Rusiä yıraq aviasiaseneñ 121 polkına qullanılışqa tapşırıldı.


--------------------------------------------------------------------------------------------

►Bögelmädä ike uqıçı qız köçlänep üterelgän

Bögelmä rayonında 14 - 15 yäşlek ike qıznı 15-18 yäşlek 4 yeget köçläp, üterep kitä. Wäxşilär qulınnan hälaq buluçılar arasında tatar qızı da bula.

Cinayät urınınnan qanlı timerçıbıqlar, xalıq telendä armaturlar tabıla. Keşe üterüçe malaylar şular belän qızlarnıñ başlarına bärä. Faciğäle töstä hälaq buluçı qızlarnıñ berse İlvira isemle tatar qızı, anıñ armatura belän bärüdän xätta başı çatnağan bula. Qulğa alınğan yegetlär xoquq saqçılarına wäxşileklären üzläre ük söyli.

İkese dä ber sıynıfta uqığan Rita belän İlviranıñ ğömerlären özgän yegetlär Bögelmä şähärennän: iñ ölkänenä 18, ikesenä 17 şär häm bersenä 15 yäş bula.

15–18 yäşlek malaylar bu ğämällären nigä eşläwlären anlata almıylar ikän, iserek buldıq dip kenä äytälär.

Böten respublikanı siskändergän moña oxşaş waqıyğa kiläçäktä tağın bulmas dip kem ışandıra ala, şul uq yegetlär 10-15 yıl törmädä yatıp çıqqannan soñ, tağın cinayät eşlämäs dip kem äytä ala digän sorawlar cawapsız qala…

--------------------------------------------------------------------------------------------

►Tolyattida “Yazlar moñı” tatar cırı festivale uzdı

Tolyätti şähäreneñ filarmonia zalında biş säğät buyına tatar cırı yañğırap tordı, tatar biüläre kürsätelde, säxnädä tatar kiemnäre xökem sörde.

Garmun, bayan, akordeon tatar xalıq köylären sipterdelär, skripka borınğı köylärebez däryasına alıp kerde. Säxnädä yözgä yaqın üzeşçännär berdäm zur kollektiv bulıp, tatarnıñ barlığın, berlegen, tamırlarınnan ayırılmağanlığın rasladılar. 7 yäştän alıp 75 yäşkä qädär irlär häm xatınnar, tezdän tübän buylı bäläkäç malaylar özderep-özderep tatarça cırladılar. 11 baladan torğan “Qoyaşqay” folklor ansamblendä 7 malay buluı üze ük maqtawğa layıq küreneş.


--------------------------------------------------------------------------------------------

►Mäskäw mädäni üzägendä Ciñü bäyräme


Mäskäw tatar mädäniät yortında törle millät suğış veterannarı cıyıldı. Anda barlığı 120 veteran bar ide.

Turıdan- turı barı tik tatar mänfäğätlären qayğırtqan proektlarğa gran birelmi digäç, grant öçen ğäriza yazuçılar äytep kitelgän temanı täqdim itte. Şul proekt eçendä Mäskäwneñ millätara festivale uzdırıldı. Menä xäzer ciñü köne aldınnan Mäskäw tatar mädäniät yortında äytep ütelgän proektnıñ «Tatarlar häm başqa millät xalıqları Böyek Watan suğışında» digän teması da tormışqa aşırılıp, törle millät suğış veterannarı cıyıldı. Alar arasında tatarlar da, urıslar da başqa küp törle millät keşeläre - barlığı 120 veteran bar ide.

Mädäni üzäkneñ kitapxanä mödire Nurzidä Çanışeva suğış waqıtında küzläwdä eşlägän tatar xatın- qızları turında söyläde. Veterannar arasında şularnıñ berse Buxenwäld qonslağerenda utırğan, suğış betär aldınnan altı xatın- qız belän berlektä nemes antifaşistları yärdämendä şul lager'dan qaçıp isän qalğan, Färidä Sälimcanova da bar ide.

Rusiädä faşistlarnıñ kilep çığuında kem ğäyeple?

Şuşı oçraşuda qatnaşqan berniçä suğış veteranı belän dä söyläşü mömkinlege buldı. Berençe äñgämädäşebez Ämir Amayev, Dağıstan xalıqlarınıñ berse bulğan - laq millätennän. Ul zamanında Mäskäw injener institutın tämamlağan. 60 yıl buyı Kurçatov isemendäge atom üzägendä eşlägän. Berniçä distä yıl Qurçatovnıñ üze belän dä eşlärgä turı kilgän. Rusiädä nindi däwlät büläkläre bar, xättä Lenin isemendäge iñ zur büläkne dä alğan keşe min, dide Ämir Amayev

--------------------------------------------------------------------------------------------
XS
SM
MD
LG