Accessibility links

якшәмбе, 4 декабрь 2016, Казан вакыты 00:59

Bügen Zur 8lek söyläşüläre barışında Rusiäneñ yaña prezidentı Dmitri Medvedev belän wazifasın yaqın arada tämamlarğa cıyınğan AQŞ prezidentı George Bush berençe tapqır oçraştı.

Oçraşu waqıtında ike citäkçe AQŞ raketa saqlanu sistemı, İran häm başqa möhim könüzäk mäsälälär turında söyläşte.

Bügen Yaponianeñ Hokkaido utrawında Zur 8lekneñ sammitı uza. Älege sammit barışında Amerika prezentı belän Rusiäneñ yaña saylanğan prezidentı Medvedev bergä söyläşte.

Läkin ike citäkçe könçığış Yewropada töziläçäk saqlanu raketaları sistemı mäsäläsendä urtaq tel taba almadı.AQŞ könçığış Yewropoda saqlanu qalqanı tözärgä cıyına, läkin Rusiä bu proyektne üz iminlege öçen qurqınıç tudıruın dägwa itep planğa qarşı çığa.

May ayında ant itep prezidentlıq wazífasına kereşkän Medvedev, Mäskäw belän Waşington arasındağı mönäsäbätlär aradağı fiker ayırmalarına qaramastan köçle buluın belderde.


Rusiä citäkçese - Bushğa iseme belän endäşep Waşinton belän mönäsäbätlärneñ Bush prezidentlığınnan soñ da şulay däwam itäçägen äytte:

“Min barsı da üz tärtibendä däwam itär dip uylıym, mönäsäbätlär tağın da yaxşırır. Min bu turıda Georgega da äyttem yäğni kiräkkän oçraqta bez yaña kiläçäk xakimiat belän dä yaxşı mönäsäbätlär töziyäçäkbez. Läkin ağımdağı xakimiat belän mönäbätlärebezne äle nığıtııp däwam ittererbez.”


AQŞ bu atnada könçığış Yewropada saqlanu qalqanı tözü öçen Çexiä belän kileşügä qul quyaçaq. Waşington şul uq waqıtta 10 saqlanu raketasın Polşada urnaştıru öçen dä söyläşülären däwam itterä.

Waşington älege saqlanu raketaları sistemın AQŞqa berektäş bulğan illärne İran kebek xäyläkär illärdän saqlaw maqsatında tözilüen läkin anın Rusiägä qarşı qullanılmayaçağına ışandıra. Rusiä isä bu plannıñ Rusiäneñ iminlegenä yanawın, mondıy sistemanı Yewropada buldıru Yewropa iminiätenä ziyanlı bulaçağın dägwa itä.


Bush qarşılıqlarğa qaramastan Waşingtonnın, İrannı atom tırışlıqların tuqtatu kebek möhim mäsälälärdä Mäskäw belän xezmättäşlegen däwam itäçägen belderde:

“Mäsälän Rusiä belän AQŞ arasında İran kebek yägni Tähran rejimineñ uran bayıtuı trışlığın tuqtatu yünäleşendä bergä xezmättäşlek kürsätte häm bu xezmättäşlek şulay däwam itär dä.”


Bush monnañ 7 yıl elek Vladimir Putin belän oçraşqanda, min anıñ küzlärenä qaradım da anıñ "küñelen" kürdem digän ide ämmä Bush bu yulı Medvedev belän oçraşu waqıtında mondıy süzlär sarıf itmäde. Ul Medvedevnı aqıllı häm üzennän imin dip kenä taswirladı. Bush şul uq waqıtta möddätenen tämamlanmawın häm äle ike arada başqarılası eşneñ küp buluına basım yasadı.

“Min äle 6 ay däwamında üz wazífamda bulaçaqmın. Möddätem tämamlanırğa küp waqıt qalmasa da min eşemne äle däwam itäm. Şuna bez bergäläp möhim eşlär başqara alırbız"
XS
SM
MD
LG