Accessibility links

шимбә, 10 декабрь 2016, Казан вакыты 16:00

Ärmännär bügen il prezidentı saylaw öçen tawış birü üzäklärenä kilde. Prezidentlıq yarışında ike möhim köndäş, xäzerge premyer ministr Serj Sarkisian belän Ärmänstannıñ elekke prezidentı Levon Ter Petrosyan köräşä. Saylawnıñ berençe turında ciñär öçen namzätlärneñ 50% kübräk tawış aluı şart.


Bügen cirle waqıt belän irtänge säğat 8dä Ärmänstanda prezident saylawı başlandı. Bu yarış öçen 9 namzät köräşsä, alarnıñ 3se genä küpçelek tawışnı alır dip isäplänä.

Şular arasında premyer Serj Sarkisian saylawnıñ berençe turında tawışlarnıñ küpçelegen alır dip farazlana. İke tapqır wazifada bulğan öçen öçençegä namzät bula almağan prezident Robert Koçeryan da, Sarkisiannı yaqlıy.

Saylawda Sarkasiannıñ töp köndäşe, 1998çe yılda basımnar säbäple prezidentlıq wazifasınnan kitärgä mäcbür bulğan Levon Ter Petrosyan.

Ärmänilärneñ küpçelegenä kürä ilneñ zur problemnäre eşsezlek, xäyerçelek häm korupsiä.

Sarkasian ilgä mullıq kiteregä wäğdä itä. Ul sovetlär cimerelgännäñ soñ wazifağa kilgän Ter Petrosyan waqıtında iqtisatnıñ naçar buluına qaramastan soñgı yıllardağı iqtisadi üseşkä basım yasadı.

Bügen irtä däwlät mäktäpläreneñ bersendä tawış birgän Sarkisian, xalıqnıñ ışanıçı saylaw näticäsendä bilgele bulaçaq dide:

“Minem öçen iñ möhim närsä bu saylawnıñ yaxşı ütüe. Saylawnıñ berençe turındamı yäisä ikençesendäme, keşelärneñ bezgä bulgan ışanıçı näticägä tä’ser itäçäk.”

Ter Petrrosyan isä saylaw aldı kampaniälärendä, ildä kiñ taralğan korupsiägä basım yasadı. 4tän 1 öleşe xäyerçelektä yäşägän il öçen ul, yaqtı kiläçäk wagdä itte.

1988-94 yıllarında Ärmänstan belän Azärbaycannı qanlı suğışga etärgän tawlı Qarabağ mäsäläse isä, saylaw aldı kampaniälärendä iñ qızu bäxäslärdän berse buldı.

Şul uq waqıtta, oppozisiä Sarkasiannıñ saylaw aldı çaralarında tärtip bozuın, üzeneñ premyer ministrlıq wazifasınnañ faydalanuda ğayepläp çıqtı.

Oppozisiä ägär saylaw barışında ğadelsezlek bulsa irtägä protest çaraları oyıştıraçaqların belderde.

Londonda urnaşqan suğış häm tınıçlıq xäbär institutınıñ Kavkaz bülege möxärrere Tom de Waal, bügenge saylaw häm oppozisiänen aña reaksiäsenen niçek bulaçağın yuraw awır di.

“Minemçä saylawnıñ berençe turında oppozisiä Serj Sarkisiannın ciñep çığuın qabul itmäyäçäk häm alar xäzerdän uq monı protest itärgä cıyına. Şuña näticälär turında äytüe qıyın”

Saylaw 12 säğat däwam itäçäk. Berençe näticälär çärşämbe könne bilgele bulır dip kötelä. Soñgı näticälär isä saylawdan soñ ber atna eçendä iğlan itelergä tiyeş.
XS
SM
MD
LG