Accessibility links

дүшәмбе, 5 декабрь 2016, Казан вакыты 01:33

Ärmänstanda prezident saylawı ütüenä inde ber atna tulğanda, oppozisiäneñ protest çaraları äle däwam itä. Şul uñaydan saylaw näticäläre belän kileşmägän meñlägän oppozisiä tarafdarı bügen protsest çaralarına qatnaştı.


Premyer ministrı Serj Sarkisian uzğan atna räsmi bularaq prezident saylawında ciñüçe bularaq iğlan itelde. Läkin bu räsmi bilderü, saylaw näticäsenä rizasızlıq kürsätkän oppozisiäneñ, protest çaraların tuqtatmadı.

Alar, elekke prezident Ter Patrosyannıñ saylawda xärämläşü buluı säbäble ciñä almawına qarşılıq belderä. Ter Petrosyan isä, saylawnıñ yänä baştan buldırıluı öçen konstitusiä mäxkämäsenä şikayät xatı yulladı.

Protest çaraları könnän kön arta. Qaysı ber xökümättä eşlägän keşelär dä, oppozisiäne yaqlap çaralarğa qatnaşa başladı. Häm alarnıñ kübese eşlärennäñ quıldı. Eştän çığarılğannar arasında yugarı däräcäle, tışqı eşlär ministrlığında eşlägän 9 keşe dä bar. Atna axırında bulğan protest çaralarında, oppoziädäge möhim säyäsätçelär dä qulğa alındı.

Wazifasınnan kitärgä cıyınğan Robert Koçaryannıñ şimbä könne xärbi häm saqlanu xezmätkärläre belän bulğan oçraşuı waqıtında, tınıç protest çaralarına qarşı xaqimiät qırıs çaralar kürä alır digän qurqu xäqimlek itte. Koçaryan oppozisiänıñ çaraların “qanunsız ısullar belän xaqimiätne qulğa alu tırışlığı” bularaq bäyäläde häm moña qarşı qanun häm tärtep belän xäräkät itärgä kiräk dide.

Anıñ bu çaqıruı, şimbä häm yäkşämbe könne bulğan çaralarda ğamälgä kerde häm başqala uramnarına zur sanda polisiä urnaştırıldı, oppozisiädäge sayäsätçelär qulğa alındı.
Polisiä oppozisiädäge yaña zamana partiäse citäkçese Aram Karapetian häm salımnar idaräseneñ elekke başlığı Sambat Ayvazyannı da qulğa aldı. Polisä, bu keşelärnen qanunsız qoral totu säbäple qulğa alınuın belderä.

Azatlıqnıñ ärmän bülege xäbär itüençä, Oppozisiädäge Demokratik watan partiäse citäkçese Petros Makayen dä qulğa alınğan.

Kavkaz belgeçe, Liz Fuller bu ğamällär Koçaryannıñ wazifasınnan kitär aldınnan mäxsus oyıştırğan mäkerle ber ğamäle dä bulırğa mömkin di:

“Ägär dä qanunsız qoral totu ğayepläwe yalğan bulsa, dimäk ul Robert Koçaryağa yünälderelgänn ğayepläwgä nigez birä. Şimbä könne armiä citäkçeläre belän oçraşqan Koçaryan, oppozisiäne xaqimiätneñ qanunsız yullar belän üz qulına alu turında häm xätta köç qullanu turında söyläde.”

Ter Petrosyan isä, qulğa alular säyäse nigezle di.

“Başta monıñ säyäsi ber ğamäl buluı bik açıq. Monnañ qala xaqimiät däwlät räsmilärenen küzen qurqıtırğa teli.”

Oppozisiä, qarşılıq çaraların yänädän saylaw buldıru maqsatına ireşkänçegä qadär däwam ittereläçägen äytä. Läkin belgeç Fuller, Xökümät waqıyğalarnın äkerenläp sörelep kitüen kötä di. Xalıqara cämäğatçelekneñ ışanıçın alu älegä alarnı tınıçlandıra di Fuller.

“Serj Sarkisian yaxşı uyınçı buluı belän dañ totqan şäxes. Şuña keşelär başta anıñ bik sabır keşe buluın iskä totarğa tiyeş. Ul ikençe yaqqa waqıt birä. Uylawımça Sarkasian häm Koçaryan üz taraflarında xalıqara cämäğatçelekneñ ışanıçın aqlawlarına ışana. Häm suña ber yäisä ike atna soñ xättä ozaq waqıtqa da bulsa bu çaralarnıñ barı ber äkerenläp basılıp baraçağın kötä alar.”

Yewropada iminlek häm xezmättäşlek oyışmasınnan kilgän küzätüçelär saylawnıñ ğomum alğanda ğadel uzuın bildergän ide. Saylaw noqtalırın küzätüçe wäkillär, saylawdağı citeşsezlekne 16 % bularaq kürsätä.

Şulay da Yewropa Berlege häm dönyanıñ küp kenä ile saylawnın ğadel buluın tanıy. Sarkisian dönya başlıqlarınnan qotlaw mesajları ala.
XS
SM
MD
LG