Törle illärdä sport yarışlarında qatnaşqan İran xatın-qızların, dini tärtiplär tıyu säbäple, televideniedän kürsätü tıyıla ide. Läkin xakimiat bu yulı, yäğni Pekinda uzaçaq olimpiä uyınnarında, älege säyäsätne yomşartırğa cıyına kebek.
İran däwlät televideniesendä sport tapşıruların alıp baruçı xäbärçelär kiläse atnada xakimiattän xatın-qızlar yarışların kürsätügä röxsät sorıy.
Pekindağı cäyge olimpiä uyınnarında qatnaşu öçen İrannan 53 sportçı bara. Alarnıñ öçese xatın-qız. Bu xatın-qızlar taekwando, cäyädän uq atu häm köymä uzışı yarışlarında qatnaşaçaq.
İrandağı sport söyüçelär üz illärennän qatnaşqan barlıq keşene dä televideniedän kürergä ömetlänä. Läkin xicap kimägän xatın-qızlar yarışların televideniedän kürsätelüenä İrandağı dini başlıqlar röxsät itärme?
Älege soraw Tährandağı sport belgeçe Fatıyma Sepancadinene dä borçuğa sala. Ul İrandağı mäğlümat çaralarınıñ sportçı xatın-qızlarnı kürsätmäwenä tänqıyt belderä.
"Bäygelärdä qatnaşqan xatın-qızlar da kürsätelergä tieş. Alar tärtip bozmıy häm yarışlarda qatnaşırğa röxsät itelgän. Şulay bulğaç ni öçen alarnı televideniedän kürsätmäskä? Älbättä, alar böten dönya mäğlümat çaralarında kürsäteläçäk, ä bezneñ ildä - yuq. Ni öçen alarnı başqa illär qarıy alğanda, bez annan mäxrum qalırğa tieş", di Sepancadinene.
İranda xatın-qızlarğa sport çaralarında qatnaşu tıyılmıy. Läkin tängä yabışıp tormağan häm dini taläplärgä turı kilgän kiyem kiyü şart. Şunıñ öçen İran xatın-qızlarına yözü kebek yarışlarda qatnaşu mömkinçelege yuq. Alar yawlıq häm ozın kiem belän qatnaşa alırlıq, misal öçen, cäyädän uq atu, köymä uzışları, taekwondo, karate kebek yarışlarnı saylarğa mäcbur bula.
Bu tärtiplärne bozğan sportçılar isä ni qadär osta bulmasınnar, törkemnän çığarılırğa mömkin.
Misal öçen, Bankokta köymä uzışında qatnaşqan Ramoni Rizanı yarış barışında tezläre kürengän öçen milli törkemnän çığarğannar.
İranlı xatın-qız sportçıları qayda ğına yarışlarda qatnaşmasın, alarnıñ dini taläplärne bozu-bozmawın ilneñ küzläw idaräse xezmätkärläre tikşerep bara.
İran prezidentı Äxmädinicät yaña ğına xakimiatkä kilgäç, xatın-qızlarnı kübräk sportqa cälep itärgä tırışqan ide. Läkin dini citäkçelärneñ tänqıytennän soñ ul bu adımınnan kire çigenergä buldı.
İrandağı dini oyışma wäkilläre ildäge xatın-qızlarnıñ xalıqara yarışlarda qatnaşuına härdaim qarşı çığa.
İran däwlät televideniesendä sport tapşıruların alıp baruçı xäbärçelär kiläse atnada xakimiattän xatın-qızlar yarışların kürsätügä röxsät sorıy.
Pekindağı cäyge olimpiä uyınnarında qatnaşu öçen İrannan 53 sportçı bara. Alarnıñ öçese xatın-qız. Bu xatın-qızlar taekwando, cäyädän uq atu häm köymä uzışı yarışlarında qatnaşaçaq.
İrandağı sport söyüçelär üz illärennän qatnaşqan barlıq keşene dä televideniedän kürergä ömetlänä. Läkin xicap kimägän xatın-qızlar yarışların televideniedän kürsätelüenä İrandağı dini başlıqlar röxsät itärme?
Älege soraw Tährandağı sport belgeçe Fatıyma Sepancadinene dä borçuğa sala. Ul İrandağı mäğlümat çaralarınıñ sportçı xatın-qızlarnı kürsätmäwenä tänqıyt belderä.
"Bäygelärdä qatnaşqan xatın-qızlar da kürsätelergä tieş. Alar tärtip bozmıy häm yarışlarda qatnaşırğa röxsät itelgän. Şulay bulğaç ni öçen alarnı televideniedän kürsätmäskä? Älbättä, alar böten dönya mäğlümat çaralarında kürsäteläçäk, ä bezneñ ildä - yuq. Ni öçen alarnı başqa illär qarıy alğanda, bez annan mäxrum qalırğa tieş", di Sepancadinene.
Bu tärtiplärne bozğan sportçılar isä ni qadär osta bulmasınnar, törkemnän çığarılırğa mömkin.
Misal öçen, Bankokta köymä uzışında qatnaşqan Ramoni Rizanı yarış barışında tezläre kürengän öçen milli törkemnän çığarğannar.
İranlı xatın-qız sportçıları qayda ğına yarışlarda qatnaşmasın, alarnıñ dini taläplärne bozu-bozmawın ilneñ küzläw idaräse xezmätkärläre tikşerep bara.
İran prezidentı Äxmädinicät yaña ğına xakimiatkä kilgäç, xatın-qızlarnı kübräk sportqa cälep itärgä tırışqan ide. Läkin dini citäkçelärneñ tänqıytennän soñ ul bu adımınnan kire çigenergä buldı.
İrandağı dini oyışma wäkilläre ildäge xatın-qızlarnıñ xalıqara yarışlarda qatnaşuına härdaim qarşı çığa.