Accessibility links

сишәмбе, 6 декабрь 2016, Казан вакыты 11:22

Yaqın könçığışta kiyerenkelek arta. İzrailneñ Fälestingä yasağan höcümnärennäñ soñ, kiçä qulına qoral totqan fälistenle ber keşe yähüd dini mäktäbendä ut açıp 8 keşene üterde 10 keşene yaraladı. BMO bu waqıyğanı xökem itü turında urtaq ber bilderü yasıy almadı.



İzrailneñ 27. Fivraldän başlap Ğazzä sızığında yasağan höcümnäre häm sonınnañ Fälestinneñ könyaq İzrail şähärlärenä raketa cibärüe säbäble töbäktä barlığı 130dan artıq keşe ülde, yözlärçä keşe yaralandı. İke il arasında kiyerenkelek arta barğanda, Yärüsälämdä kiçä ber yähüd mäktäbenä bulğan höcümdä 8 keşe ülde 10 keşe yaralandı.

Üterelgän şäkertlär yäşläre 26 alıp 15-16 yäşlär tiräsendä bulğan. Kiçä tönnä sabaq uqutı waqıtına turı kilgän höcümdä cinäyätçe mäktäpkä avtomat belän ut aça. Sonınnañ fälestinle buluı xäbär itelgän keşe, waqiyğadan soñ milisiä tarafınnañ üterelä.

Fälestin belän İzrail arasındağı kiyerenkelekne tağında qabındırıp kitkän bu waqıyğa turında İzrail tışqı eşlär ministrı bolay söyläde:

“Tağın ber tapqır Yärüsälämneñ üzägendä extrimistlär tarafınnañ ber höcümgä şaxit buldıq. Ul mömkin qadär küp keşene üterergä niätlängän ide. Bu höcüm başqa şähärlärdä bulğan höcümnärgä bäyle. Häm bu höcümgä östäp xäzer mäktäptä ütereş buldı”

Fälestin prezidentı Mäxmud Abbas waqıyğadan soñ bu höcümne xökem itte. Bu höcümdä cäwaplılıqnı äle iseme berençe tapqır eşetelgän “Galilee azat keşeläre” isemle törkem üz östenä aldı diyelgän ide, läkin sonınnan cäwaplılıqnı xämäs üz östenä aluın belderde.

Xämäs isä, bu höcümne xalıqnıñ Izrail höcümnärenä qarşı kürsätkän xaqlı reaksiäse dip bäyäläp, bu höcümne qaharmanlıq bularaq atadı.

Höcüm xäbärennän soñ kiçä Bush bu ğamälne qotıçqıç wäxşilek ber höcüm dip atadı.

Bu höcümne şulay uq, BMO general sekretarı Ban Ki-Moon, Britaniä, Fransiä, Yewropa Berlege, Kanada häm Russiä dä xökem itte.

Läkin ğadättän tış cıyılğan BMO iminlek şurası, höcümne xökem itkän urtaq ber belderü yasıy almadı. BMOdağı AQŞ wäkile Zalmay Xalilzad AQŞnıñ bu höcümne iñ qatğıy şartta xökem itü taqdime, Libiäneñ qarşı çığuı säbäble qabul itelä almadı di. Çönki Libia başta İzrailneñ uzğan atna Ğazza sızığında yasağan höcümnären xökem itärgä çaqıra.

BMO şurasında bu turıda Xalilzad belän Libiä wäkile arasında qaynar bäxäslär quptı.

“Bu İminlek şurasınıñ töbäktä uñay alğarışnı tämin itü öçen eşne qıyınnaştıra. Bu mömkinçelekkä kertä salğan keşe bu eşneñ näticäsennän üze cäwaplı bulaçaq.”

Läkin Xälilzadnıñ bu açulı çığışına, BMOnıñ Libya wäkile İbrahim äd-Dabbaşi, şul uq açu belän bolay cäwap qaytardı:

Bezneñ öçen keşelärneñ tormışı ber uq. Monda barı tik waqiygağa qarap qına xökem itmibez. Bez üterelgän keşelär öçen xökem itäbez. Monda keşe ayırması, keşe keşedän östen qılğan ayırmamı bar? Ülgän izraillärneñ tormışı belän fälistinlär tormışı arasında ayırma yuq dip uylıybız.”

Izrail räsmiläre waqıyğada kemneñ cäwaplı buluın tikşeräçäklären bilderde. İzrail yağı öçen möhim mäsälä bu höcümneñ barı tik ber keşe tarafınnan oyıştırılğan buluımı yäisä aña buluşuçılar bulğanmı digän soraw.

XS
SM
MD
LG