Accessibility links

якшәмбе, 11 декабрь 2016, Казан вакыты 03:13

Израил 31 майда Газзә Сызыгында кулга алынган Төркия ярдәм көймәләрен бу атнада Төркиягә кире кайтарды. Израил узган атнада көймәләргә булган һөҗүм турында БМО карамагында бәйсез тикшерү комиссиясен төзү тәкъдиме белән килеште.

31 майда Израил хәрбиләре блокадада калган Газзәгә ярдәм ташырга теләгән Төркия көймәләренә һөҗүм оештырып, көймәләрне кулга алды. Анда 9 кешенең үлүе Төркия-Израил мөнәсәбәтләренә зур зыян салды.

Ираил бу атнада кулга алынган бу көймәләрне Төркиягә кайтаруын игълан итте. Көймәләр 8-9 августта Төркия портына барып җитәр дип көтелә.

Көймәләрне кайтару белән бергә Төркия рәсмиләренә хат юллаган Израил Тышкы эшләр министрлыгы Төркиядән Газзәгә моннан соң көймәләр җибәрүне туктатырга кушты.

Хатта Израил ягының Газзәгә кирәк әйберләрне үзе җибәреп торуы язылган.

Израил Төркия тәләбе белән ризалаша


Израил хакимияте 23 июльдә көймәләрне кайтаруы турында карарны Анкараның дипломатик тырышлыкларыннан соң кабул итте.

Һөҗүмнән соң Төркия ягы Тел Авивга кисәтү җибәреп, һөҗүмнәрне тикшерәчәк халыкара бәйсез бер комиссия төзелүен һәм Газзәгә оештырылган блокаданы туктатырга чакырган иде.

Төркияннең бәйсез тикшерү уздыру карарына озак вакыт каршы булган Израил узган атна ахырында һөҗүмне тикшерү өчен БМО тарафыннан комиссия төзү фикере белән ризалашты.

Израилнең тәүге тапкыр хәрбиләренең гамәлләре турында БМО тикшерүен кабул итүе Төркиянең зур дипломатик казанышы дип аталды.

Израил 31 майда көймә юлчыларын берничә сак астында тотып, соңыннан аларның күпчелеген Төркиягә кире кайтарды.

фикерләрне күрсәт

XS
SM
MD
LG