Accessibility links

җомга, 9 декабрь 2016, Казан вакыты 10:47

Üzbäkstan prezidentı İslam Kärimov, qızı Gölnaranı mädäniät eşläre buyınça tışqı eşlär ministr yärdämçese bularaq belgeläde. Üzäk Azianıñ iñ avtoritar citäkçelärennäñ Kärimovnıñ bu soñgı adımı, üzennäñ soñ waris itep üz ğailäsennäñ bersen qaldıru teläge dip farazlana.


Gölnara Kärimova xalıq arasında inde küptännäñ ätise urnına kiläçäk yaña waris bularaq kürelä başlağan ide. Gölnara 1 fivralda yaña säyäsi wazifağa belgelänüe belän bu qaraş tağın da köçäyde.

Gölnara Kärimova 35 yäşendä, danlıqlı säwdägär xatın. Hardward universitetında uqıp çıqqan Gölnara, sonınnañ Taşkänt universitetında säyäsi fännär buyınça doktorlıq eşen yaqlıy. Ul şul uq waqıtta karätä sportında qara-baw belän yarışa. Gölnara monnañ elek tä xökümät eşlärendä eşlägän ide. Ul tışqı eşlär ministrlığında kiñäşçe bulıp eşlägännäñ soñ Mäskäwdäge üzbäk ilçelegenä maxsus ilçe bularaq cibärelde.

Läkin Kärimova Üzbäkstannıñ iñ bayları safında da üz däräcäsen saqlıy, ul küp törle säwdä eşlärendä qatnaşa. Anıñ, ilneñ gaz häm neft sänäğatçelege belän ber rättän telekom häm tözü säwdälärendä üz qulında totıu xäbär itelä. Anıñ bu säwdä patşalığı Mäskäw, Dubai häm Genevağa qadär cäyelgän diyelä.

Anıñ säwdä häm mädäniät eşçänlegenä, däwlät televiziäsendä dä kiñ urın birelä. Ul konsertlär häm moda bäygeläre oyıştıra. Karimova şul uq waqıtta cırlarga da yarata.

Küzätüçelär, Karimovanıñ yaña wazifägä bilgelänüen, İslam Kärimovnıñ üz wazifasınnañ ayrılğannañ soñ da ğailä baylığın däwam itterü tırışlığı bularaq bäyäliy.

Läkin Karimova ätiseneñ wazifasın däwam itterä alırmı, moña säläte citärme digän sorawğa, küzätüçelärneñ kübese ber qaraşta. Xökümättä üz urnıñ saqlaw häm säyäsätkä unışqa ireşüe öçen aña küp tırışırğa kiräk bulaçaq.

Çönki küp kenä dañlıqlı säyäsätçelär qulınnañ ildäge säwdä mömkinçeleklären alğan Karimovanıñ köndäşläre şaqtıy küp. Aña şul uq waqıtta ätise sıman, köndäşlärne niçek qul astında totarğa kiräk, bu turıda ätisennäñ küp närsä öyränergä kiräk bulaçaq.


Häm şul uq waqıtta Könbatış mäktäplärendä uqıp çıqqan, rus änise tärbiyäsendä üskän rus telle xanımğa, ğadättä irlärneñ xaqimlek itkän säyäsi ölkädä dä ayaqta qalırğa kiräk.

Craig Murray, Taşkänttä elek Britan ilçese bularaq eşlägän. Craig Üzbäk rejiminä qarşı tänqitlären açıqtan açıq belderä. Ul radiobızga Gölnarağa qarata fikerlären bolay bäyan itte:

“Minem uylawımça Karimovlar ğailäse Gölnaranı alğa taba prezident bulıp küräse kilä. Läkin min monıñ ğamälgä aşaçağına ışanmim. Minem uylawımça Kärimov patşalığınıñ däwam itüenä qarşı torğan küp keşe bar, şul isäptäptän bu patşalıqnıñ waris` bulğan xatın prezidentqa da.”

Taşkänttä yäşägän irekle belgeç, Taşpulat Yuldaşev isä, Karimova bay säwdägär bularaq ildä täsere kürelsä dä anıñ säyäsi eşçänlege - säläte üzbäk xalqı arasında bik belenep betmi di.

“Anıñ säwdä eşe, ätise bulğanğa bik yaxşı. Çönki ul bu ilneñ berdänber patşası häm iäse. İlneñ yarıtısınnañ kübe Gölnaranıñ dip isäplänsä dä, min xäzergäçä anıñ säyäsi ber açılışın yäisä eşçänlegen kürmädem. Ul ätiseneñ yaqlawı näticäsendä uñışqa ireşkän ber säwdä keşe genä.”


Başqa küzätüçelär isä anıñ yaña wazifağa ataluında tağın da mantiyqlı säbäblär bar dip ışana. Üzbäkstandağı irekle xäbär säxifäse, “uzmetronom.com adresında bu wazifağa kilü belän 3 fivralda Gölnara diplomatik statusı alaçaq diyelä. Şunıñ aşa inde ul çit illärdä räxät säyäxät itä alaçaq.

Gölnara xäzergäçä säyäxät ireklegennnäñ mäxrüm ide. Üzbäkstanda tugan Amerika watandaşı ire Mansur Masudi belän 2003 yılda ayırışqaç, Kärimova balaları İslam häm İmannı AQŞta üz qaramağı astına alalmadı. Ul mäxkämä qararın bozıp balaların, AQŞtan Üzbäkstanğa kiterde. Läkin anıñ mäxkämä qararın bozuı, yañadañ AQŞqa yäisä AQŞ belän diplomatik bäyläneşläre bulğan illärgä säyäxät itü mömkinçelegen qurqınıç astında saldı. Diplomatik statusı alu aña säyäxät itü mömkinçelege biräçäk digän qaraş bar.

XS
SM
MD
LG