Accessibility links

пәнҗешәмбе, 8 декабрь 2016, Казан вакыты 05:20

Belarusda xaqimiätkä qarşı oppozisiä çaraları alıp barğan öçen 5 yarım yılğa törmägä höküm itelgän Belarus oppozisiä citäkçese Alaksandr Kazulin, bügen irtä belän, 3 köngä irekkä çığarıldı. Törmädän alınıp Minsktäge öyenä eltelgän Kazulin, atnaaxırında rak awıruınnan wafat bulğan xatınıñ cirläw çarasına qatnaşa.


Alaksandr Kazulinneñ törmädän çığarıluı şundıy yäşeren buldı ki, xättä tışta kötep torğan ber törkem jurnalistlär dä anıñ qayçan çığarıluın añlamıy qaldı.

Minsktäge fatirına çığarılgan Kazulin, ike qızı belän qayğı büleşergä dä ülgermäde, şunda uq tilifonda tarafdarları belän äñgämä qorıp söyläşergä kereşte. Ğailä bülmäsendä isä fotolar yanda anı qaraga törelgän xatınınıñ mäyete kötä ide. Kazulinneñ xälal cefete 46 yäşlek İrina, şimbä könne kükräktä yaman şeş awıruınnañ wafat buldı.

Belarus -- Alyaksandr Kazulin törmädän çığarılgannan soñ, 26Fev2008
“Törmädä waqıtta 200läp xatlar alğan çaqlar buldı” di Kazulin. “İñ säyer yağı alarnıñ küpçelegenen çit illärdän kilüe ide. Belaruslarga oyanırga – waqıt.” di ul häm däwam itä:

“Minem ğailä qayğım, belarus xalqı qayğısı belän çağıştırganda bik keçkenä äyber. İldäge wäzgiätlär çınnan da qurqınıç”

Kazulin, Vitsebsk törmäsennän ğadi ber maşina belän yäşeren genä çığarıldı. Äle kiçä genä, jurnalistlärgä disiplinne bozuda ğayeplängän Kazulinneñ törmädän çığarıluına röxsät itelmäyäçäk dip beldergän ide. Moña qarşılıq beldergän yaqınça meñ keşe, oktäbr mäydanında şämnär yağıp Kazulinne xatının cirlägändä çığarıluın sorap cıyıldı.

Kazulin, xatınınıñ wafat xäbären bolay belgän.

Yäkşämbe könne, anı törmä başlığı Ahnistiskau üz bülmäsenä çaqırtıp alğan häm xatınınıñ wafat buluın xäbär itkän telegramnı kürsätkän aña. Kazullin monnañ ber kön alda, xatınınıñ xälläreneñ awırayıp kitüen sizep öygä şaltırıtırğa röxsät sorasa aña tilifon tabılmağan bulğan.
Xatınınıñ wafat buluı xäbäre anı bik naçar xisländergän çönki ul awır könnärendä üzenä bulışqan xatınınıñ soñgı säğatlärendä aña yärdäm itälmäw xise borçığan. Xatını awrığan öçen açlıq iğlan itüdän tıyılğan Kazulinne, şul minuttan soñ ber ni tuqtata almağan. Ul Törmä kiyemendäge belgelärne sütep ala häm monnanarı törmä tärteplärenä buysınmayaçağın belderä. Şunnan qanunsız qulğa alınuı häm xatınını cirläw märasimenä qatnaşuı kiräklegen añlatqan 4 säxifä xat yazıp çığa da açlıq iğlan itüen belderä.
Häm ul xatqa, härwaqıtta quyğan imza belän – qanunsız höküm itelgän A. Kazulin dip qul quya.

“Min susız açlıq iğan itüemne äyttem. Häm min alarğa yä miña xatınımnı cirlärgä röxsät itärsez yäisä mine xatınım belän bergä kümärgä mäcbür bulırsız dip äyttem. Häm uylawımça xaimiät minem motlaq citdi buluın añladı. Älbättä şul uq waqıtta kiçä Minsktä başlağan qarşılıq çarasınıñ il buylap tarala başlawı da rejim östendä zur tä’sere bulğandır.”

2006 yılnıñ Mart ayında bulğan prezident saylawında Kazulin prezidentlıq öçen namzät ide. Häm ul şul uq waqıtta xaqimiätne açıqtan açıq tänqit itüe öçen qulğa alındı. Kazulin menä şul waqıttan başlap xatınınıñ awıruının naçaraya başlawına ışana.

Alaksandr Lukashenka, saylaw aldı çaralarında uq xatınımnıñ xälenen naçar buluın belä ide di Kazulin. Saylawdan soñ xaqimiätkä qarşı çaralar kürgän öçen Kazulin qulğa alınğaç, xatını bötenläy köçen yuğalta häm üz çire belän küräşergä mäcbür bula.

“Uzğan atna Lukeshenka Kazulin aldına açıqtan-açıq taqdim belän kilä. Taqdimdä – Kazulin xatının çit ildä däwalandıru öçen törmädän irtäräk çığarılaçaq. Läkin ber şart belän, ilgä tağın kire qaytmaw bäräbärenä” di Kazulin.

Kazulin – “Ägär min, yarıy min bügen uq ildän kitäm dip xaqimiättän ber million dollar taläp itsä idem, alar miña ul aqçanı birer ide” di.

“Läkin İrina häm Kazulin bu taqdimne kire qağa xättä ki bu, ber berseñ mäñgegä yuğaltu bahasına bulsa da.”
XS
SM
MD
LG