Accessibility links

шимбә, 10 декабрь 2016, Казан вакыты 23:45

Namzät bulıp saylanu öçen köräş äle däwam itä. Barack Oboma belän Hillary Clinton ikese dä AQŞ demokrat partiasınnañ namzät bulıp saylanu köräşendä ayrım ştatlarda yaña ciñügä ireşte.

Obama üzeneñ namzät buluına az waqıt qaluın äytkändä, Clinton namzätlektän baş tarmıyaçağın belderde.

Obama, Oregon häm Kentucky ştatlarına barğanda namzätlegen köçländerü öçen kiräkle sanda delagat tabalmayaçağın baştan uq belä ide. Şulay da axırda İowa ştatında saylawçılar aldında yasağan çığışında, Obama saylaw aldı çaralarında ciñügä taba yaqınayuın belderde.

Kiçä Oregonda yawlağan ciñü, senator öçen namzätlek köräşen qazanuda kiräkle delegatlarnıñ küpçelegeneñ saylanuın añlata ide. Obama saylaw aldı çaralarında delegatlar sanınnañ Clintonnı uzdı.

“Bügen İowağa, bezne yaqlap çıqqannar yärdäme belän, delegatlarnıñ küpçelegen yawlap qayttıq. Häm şul yärdämegez belän, AQŞ prezident saylawına Demokrat namzäte bularaq qatnaşu mömkinçelegenä mine tağın ber adım yaqınayttığız.”

İowa ştatı Obama öçen ayırım ber mäğnägä iä. Obama ğinwar ayındağı berençe saylawda iñ küp tawışnı älege ştattan cıyğan ide. Obamanıñ namzätlek yarışında ciñü yawlap başlağan bu ştatqa ciñü belän kire qaytuı bu ştatnıñ namzätlek köräşendä zur ähämmiätkä iä buluın kürsätä.

Ägär Obama namzätlekkä yaqınaya ikän, bu axır çiktä Clinton belän anıñ yulları ayrılaçaq digän süz.

Kentuckydä küpçelek tarafınnan yaqlanuın kürgän Clinton isä, äle yarışnı taşlarğa isäbe bulmawın xalıq aldında açıqyan-açıq söyläde.

“Cıyğan tawışlarnıñ ber mäğnäse dä yuq dilär miña, bu köräş inde bette disälär dä bu mine tuqtata almas, här ber tawışnıñ sanaluın kürü öçen bu möhim. Sez mine taşlamassız, çönki minem sezne taşlamıyaçağımnı beläsez”

Demokratlar aldında tağın 3 ştat qaldı. Tawış birü Montana häm Könyaq Dakota häm Porto Rico ştatlarında 3 yündä betäçäk.

Şulay da, kiräkle sanda delegat taba almağan namzätlär öçen bu ştatlarda baraçaq yarışlar, namzätlek yarışın tämamlawda ällä ni faydası bulmayaçaq.

Şuña da Obama ömetlären küpçelek “super delegatlar”ğa bağlıy başladı. Demokrat partianıñ avgust ayında bulaçaq nazmät saylaw könendä, partiädä telägän keşene saylaw mömkençelege bulğan küpçelege partia räsmiläre, şul super delegatlar isemlegenä kerä.

Kemne saylıyaçağına äle qarar qılmağan super delegatlar, uzğan atnalarda kübräk Obamağa yaqınaya başaladı.

Super delegatlarınıñ saylawdağı täsere, Obama-Clinton arasında saylaw aldı çaralarının tınıçlandıruda zur rol uynıy.

Demokrat Delegatlar+

Barlıq Delegatlarnıñ sanı: 3.253
Namzätlek öçen kiräkle Delegat sanı: 2.026
Barack Obama delegatları:1.956 (1.649 saylanğan, 307 super delegat)
Hillary Clinton delegatları: 1.776 (1.497 saylanğan, 279 super delegat)

XS
SM
MD
LG