Accessibility links

якшәмбе, 11 декабрь 2016, Казан вакыты 07:21

Neftkä bay Azärbaycan, 2016 yılğı olimpia uyınnarın ildä qunaq itü xaqın yawlar öçen bar köçe belän äzerlänä. İl abruyın üsterüdä möhim ber çara bulğan älege forsattan faydalanu omtılışı belän xaqimiät millionlagan dollar aqçanı, yaña sport qoralmalarına sarıf itelä.

Tik şulay da, bu tözeleşlärdän cirle xalıq qına faydalana almıy...

Azärbaycan – Emin Aliyev, Masalli şähärendä 20 million dollarğa tözelgän şähär çitendäge avtubus yörmägän
Olimpia sport kompleksına yörüçe
Masalli sport kompleksında ğadäti ber kön. Şundıy zur kürkäm tözelgän binanıñ här ber zalında sport belän şöğellängän keşelär tawışı işetermen dip kiräsen eçkä. Sport kompleksı digännän görläp şawlarğa tiyeş sıman toyıla keşegä. Masalli sport zalında ğadi ber kön, läkin ğadi bulmağan äyber zalnıñ tıp tıñ buluı. Tawış yuq monda. Bina buylap qaytawaz ber genä keşeneñ tawışı eşetelä eçtä.

Ämin Aliyev, fitness zalında awırlıq kütärü belän mäşgul. Zallarnıñ nigä buş buluı isä anıñ belän bulğan äñgämädän añlaşılır buğay:

Azatlııq möxabire: Monda kerer öçen ni xätle tülesez?
Aliyev: 25 manat (yäğni yaqınça 30 dollar)
Azatlııq möxabire: Ber ayğa?
Aliyev: Äye
Azatlıq möxabire: Qayda yäşesez?
Aliyev: Rayonda yäşim
Azatlııq möxabire: Monda niçek kiläsez? Üz maşinağız barmı ällä taksigä utırıp kiläsezme?
Aliyev: Qayçağında taksi belän kiläm. Läkin min yäşägän cir bik tä yıraq tügel monnañ, cäyäwläp kilgän çaqlar da bula.

Äye Aliyev ayına 25 manat tüli, tik urtaça eş xaqı 240 manat bulğan ildä sport belän şöğelläner öçen bu bäyä äz aqça tügel. Masalli sport kompleksı 17 million manatqa yäğni 20 million dollarğa tözelgän. Anda keşe yörmäweneñ säbäbe anıñ qıybat bulıu ğına tügel, ikençe citeşsezlek bu bina Masalli şähär üzägennän çittäräk qala. Avtobus yöri torğan cirdän dä yıraq urnaşqan bu binağa barırğa här ber keşe Aliyev kebek sport bulsın dip çabıp barırğa qızıqsınuı bulmasqa mömkin, ul çağında keşelär öçen anda yörüneñ mäğnäse qalmıy.

Masalli kompleksı, 2016 yıl olimpia uyınnarı uñayınnañ tözelgän 13 yaña sport zalınnañ berse genä. Bularğa östäp tağın 23 bina tözelep kilä.

Azärbaycan --Yaña Xaydar Aliyev Mädäniät üzäge tözeleş planı
Azärbaycan prezidentı İlxam Aliyev, ildä energiädän qazanılğan aqçanı kürkäm zatlı teatrlar, säwdä üzäkläre binaları tözü eşendä qızğanmawı binalarnıñ bizäleşennän ük kürenep tora.

Baqınıñ 2016 yıl olimpia uyınnarın ütkärergä namzät: Madrid, Praga, Rio De Janerio, Chicago, Tokio häm Doha kebek şähärlärne ciñep çığu, ätise prezident waqıtta Sport ministrı bolaraq eşlägän Aliyev öçen zur ber qazanış bulaçaq.

Läkin ber närsäne istä totarğa kiräk. Äle genä sanap uzğan şähärlär belän Masalline universal şartlarda çağıştıru awır. Mäsälän eşsezlär sanı şaqtıy yuğarı bulğan şähärneñ berdän ber ğorurlığı bulğan şähär komandası da, künegülär yasalğan stadion wayımsızlıqtan eşelär däräcäğä citkäç başqa şähärgä küçenergä mäcbur bulğan.

Azärbaycan –«Dumb men» çaynanäse
Masalli şähär kafesında utırğan qartlar isä, xaqimiätneñ olimpiapiä uyınnnarın oyışurırğa däğwä belderü uñayınnan tözeleş eşläre belän aqçalar tügep mökebbän mawığıp kitüen aptırap küzätä.

“Masalli xalqınıñ üz qayğısı küp, monda sport turında uylağan keşe dä yuq äle. Bezgä tügel hiç yuğı balalarğa faydası bulsa ide… yözergä basseynnär tözesälär ide ul qadär aqçağa, älege komplekskä yörü öçen dä aqça tülese bit äle. Balannı anda cibärü öçen başta aqçan buluı keräk, ä aqça aqça yuq. Şulay bulğaç anıñ anın kirägedä yuq bezgä.”

Xalıqnı basseygä yörmäweneñ säbäbe aqçadan ğına tormıy, aqçañ bulasa da äle basseyne qullana almıysın. Masalli kompleksı tözelgännän birle su kürmägän basseynne qaraw öçen keşe citme ikän. Kompleks xezmätkäre şulay añlatma birä.

Azärbaycan – Millionlagan dollarlıq Masali sport komleksı yanda Wayımsızlıqtan işeler däräcägä citkän Futbol alanı
Monnañ qala äle bina tözelüenä ber yıl tulsa da, qaysı ber zallarnın tözätü eşe däwam itä. Cirle xaqimiät, olimpik qorılmanı eşlätü häm tüzekländerü federal däräcädä başqarıla di, aqçanıñ niçek sarıf itelüe isä belgesez. Masalli sport komleksın tözü öçen cällämiçä aqça sarıf itelüenä Zahid Emenov kebek cirle xalıq açu belderä:

“Masalli şähärendä 35 maxällä bar. Ägärdä 17 millionnı 35 bistägä bülsän, här ber sport qorılması öçen 500.000 manat aqçağa tağında faydalı şartlar tudırırğa mömkin bulır ide.”

Yäşlär olimpia kompleksına baralmıy, alama zallarda sport belän şögellänä
İlham Aliyevnıñ Olimpia uyınnarı qısalarında ilneñ elek elektän awırlıq kütärü häm köräştä bulğan danın yañadan torğızu öçen zur köç salu çaralarına qaramastan yäşlär arasında fizik künegülär belän qızıqsınu bik az. Yäşlär arasında simezlek häm diabet awıruları arta bara.

Elmira Axundova, Azärbaycan parlamentı deputatı. Ul şul uq waqıtta sossial eşlär şurasında Masalli şähäre wäkile dä. Elmira, däwlätneñ äle yäşlärne künegülärgä cälep itärlek bik ğadi ixtiyaçlarnı da qanäğatländeralmawınnan zarlana.

“Uylap qarağız, bezneñ maxalläbezdä 40 mäktäp bar äyeme. Bolarnıñ utızında sport zalı yuq. Bulğannarı da qullanılmaslıq däräcädä xarap xäldä. Minem deputat bulıp saylanuıma 3 yıl buldı. Mäktäplärne ziärät itkän sayın şaqqatam, balalar öçen xättä football yäisä voleyball uynar öçen tup ta yuq.”

2016 Bakı Olimpia uyınnarın yaqlap
Şulay da Baqı xaqimiäteneñ asıl eşe bulardan da möhimräk. Alar kiläse yıl uktäber ayında Kopenhagen dä bulaçaq qarar könen iğtibar belän kötä. Çönki bu könne olimpia wäkilläre 2016 yıl cäyge uyınnarnı qaysı şähärdä uzdırılaçağın iğlan itäçäk. Azärbaycan olimpia şurası başlığı Çıñgız Xösäyenzadä Baqınıñ cinäçägenä ömetlänä.

“Äye xäzerge waqıtta bez moña äzer tügel, läkin 2016 yılda bu mömkin bulaçaq. Ul çağında Azärbaycannıñ xäle häm köçe moña mömkinlek biräçäk. Läkin olimpianı qunaq itü barı tik ber närsädän genä tormıy, äye busı da döres.”


------------------------------------------------------------------------------------

Praga 2016 yıl Olimpia uyınnarınnan baş tarttı
Praga şähär başlığı Pavel Bém, Praga yäisä başqa Yewropa şähärläreneñ 2016 yıl olimpia uyınnarı qunaq itü şansı yuq dip belderde. (April 16)

XS
SM
MD
LG