Accessibility links

шимбә, 10 декабрь 2016, Казан вакыты 04:09

Putin säfäre häm anıñ energia ölkäsendäge yaña açışları xaqında bäxäs quyırğanda, “Vatan” gazetası, Putinnıñ "tatarlarğa mönäsäbäten" soraw astına quydı.

Dönya, Törkiä belän Rusiä arasında möhim energia kileşüe turında bäxäsläşkändä, Törkiädäge tatar aktivistları Putin säfäre uñayınnan, Rusiädäge tatarlar mäsäläsen kön tärtibenä menderde.

“Vatan” gazetasında çıqqan xäbärendä, avtor Mine Kırıkkanat, Putinnıñ Rusiädä yäşägän rus bulmağan xalıqlarğa, bigräk tä tatarlarğa qarata säyäsäten häm şul uñaydan bu xalıqlar aldında torğan problemalarnı telgä aldı.

Bilgele bulğança, körd problemı zur urın alğan Törkiädä azçılıqlar häm alarnıñ xoquqları turında soñğı könnärdä şaqtıy süz söylängän ide. Moña östäp Könçığış Törkestanda (Sincanda) bulıp uzğan waqiğalar häm Törkiäneñ moña qarata kisken reaksiase ber ük waqıtta Törkiäneñ "törki xalıqlarğa qarata säyäsäten" dä kön tärtibenä quydı.

Mäkalädä, Putinnıñ Törkiägä säfäre aldınnan, sörgendäge Milli mäcles äğzalarınıñ Törkiä prezidentına cibärgän açıq xatı häm anda kütärelgän mäsälälärne telgä ala. Yazuçı, tatarlarnıñ däwlät taríxı häm Rusiäneñ urıs bulmağan xalıqlarğa qarata säyäsäten añlatıp, ildäge kördlär mäsäläsenä bütän küzlektän qararğa çaqıra.

Törkiä kördlärgä yaña säyäsi xoquqlar birde. "Ä Putinnıñ tatar açışı qayçan bulır?" digän mäğnädä yañğırağan mäqälädä, Kırıkkanat iğtibarnı Putin säyäsätenä yünälderä.

Putinnıñ tatarlarğa mönäsäbäte

"2007 yılda Putin tarafınnan imzalanğan qanun belän, uqu yortlarında tatar häm başqa etnik tellärdä belem alu tıyıldı. Xätta, Stalin çorında da ana telendä uqu mömkinçelege beterelmägän ide. Läkin Putin alıp barğan säyäsät arqasındaana telen belmägän mañqort üsäçäk. Tel bulmağan ildä millät tä yuğalaçaq.Putin qul quyğan bu qanun Rusiä Federasiase qanunnarına da turı kilmi, millätlärne üz telendä belem aludan mäxrüm itä."

Bolarnı autor sörgendäge Milli mäcles äğzası Roza Qorbanğa sıltama yasap yaza. Monnan tış, Rusiädä tel, din, keşe xoquqları häm matbuğat ireklege mäsäläse turında häm Putin säyäsäteneñ tatarlarğa yoğıntısın telgä ala mäqälädä Kırıkkanat.

Törkiä prezidentı Abdullah Gül häm premer Tayip Erdoğanğa cibärgän Roza Qorban xatına, şulay uq, akademik häm cämäğät oyışmalarınıñ da qul quyuı yazıla.

фикерләрне күрсәт

XS
SM
MD
LG