Accessibility links

чәршәмбе, 7 декабрь 2016, Казан вакыты 19:31

Таҗикстанда хакимият кесә телефонын куллануны чикли


Күпчелеге Русиядә эшләгән таҗик яшьләре гаиләләре белән кесә телефоны аша гына хәбәрләшә ала

Күпчелеге Русиядә эшләгән таҗик яшьләре гаиләләре белән кесә телефоны аша гына хәбәрләшә ала

Таҗикстанда кесә телефоннарының кеше сәлaмәтлегенә булган "тискәре йогынтысына" уңаеннан ватандашны "кайгырту" чаралары арта. Дәүләт башлыгы Имамали Рәхмон узган атнада министрлар шурасын кесә телефонының зыянын халыкка төшендерү өчен чаралар күрергә чакырды.

Таҗикстанда элемтә ширкәтләре илдәге реклам такталарыннан кесә телефоннарын рекламалауны aлып ташлауларга зарлана.

Әлегә бу илдә алкоһоль һәм тәмәке рекламнарын элү канунсыз булса да, кесә телефоннарын кыстауны тыю турында карар юк иде. Ләкин көтелмәгәндә реклaмнарның алып ташлануы халыкны да аптырашта калдырды.

Узган айда президент Имамали Рәхмон Таҗикстанда 6 миллион кесә телефоны номеры теркәлүен, моннан тыш 500 мең интернет кулланучысы булуын әйткән иде. Ул шулай ук ил халкын, уртача айлык хезмәт хакы якынча 80 доллар булганда, кешеләр ай саен шуның 10 долларын кесә телефоны өчен түли дип тәнкыйтләде.

Президенты Рәхмон сүзләренә караганда, кесә телефоны ширкәтләре елына якынча 1 ярым миллиард доллар эшли. Һәм бу акчаның зур өлеше чит ил ширкәтләренә китә икән.

Телевиденияда телефонның зыяны аңлатылачак

Моңа өстәп ил президенты Сәлaмәтлек саклау министрына телевидение каналларында халыкка кесә телефонының зыяны турында аңлатма тапшырулар алып барырга чакырган.

Дүшәнбедәге телефон базары
Дүшәнбе шәһәр башлыгы сүзчесе Шәүкәт Саидов, җитәкчеләрнең 24 апрельдә мәҗлескә җибәрелгән юлламадан соң Дүшәнбедәге мобиль телефон ширкәтләренең рекламнарын чикләү турында күрсәтмә бирелгән.

7 миллион кеше яшәгән Таҗикстанда уннан артык телефон ширкәте эшли. Мобиль элемтә челтәре киң таралган илдә халыкның күпчелек өлеше кесә телефоны куллана.

XS
SM
MD
LG