Accessibility links

пәнҗешәмбе, 8 декабрь 2016, Казан вакыты 12:59

► Min tatarça söyläşäm!" aksiase başlandı ►"Azatlıq" mäktäp uquçıları belän oçraştı ►Açıq mikrofon: Tatar telen üsterü öçen nişlärgä kiräk?





► Min tatarça söyläşäm!" aksiase başlandı


Xalıqara Ana tele könendä başlanğan şuşı aksiagä näticälär 26 äpreldä, Tuqay tuğan tel könne yasalaçaq.

Aksia barışında yaña tatar muzıkasın başqaruçı rock, rap, folk törkemnär Bauman häm Universitet uramnarı kiseşkän urında çığışlar yasayaçaq. Tatar telendä söyläşüçelärgä tüştamğa, lenta häm iñ küp qullanılğan 150 tatar süze kergän süzleklär taratılaçaq dip kötelä. Bıyılğı aksianeñ başqa üzençälekläre turında “Üzebez” xäräkäteneñ qoordinatorı Rezidä Safiullina bolay dide:

“Berençe yılnı ul Bauman uramında Tuqay tuğan könendäge ber tamaşa bulsa, uzğan yılnı bez inde anı kiñäytep, bäyge räweşendä ütkärdek. Bıyıl isä mäğärif ministrlığı quşılıp, böten mäktäplärgä, mäğärif üzäklärenä xatlar cibärelde. Anda “Min tatarça söyläşäm!” qısalarında bäyge iğlan itelüe turında äytelä. Häm törle uqu oyışmaları barsı da qatnaşırğa tieş dip küz aldıbızda totabız. Qaysı mäktäp, qaysı kollektiv iñ original, iñ küñelle formada “Min tatarça söyläşäm!” aksiasen ütkärä ikän, şunıñ matur formasın taba ikän, şular qıymmätle büläklär belän büläklänäçäk.

----------------------------------------------------------------------------------------------

► "Azatlıq" mäktäp uquçıları belän oçraştı

Xalıqara Ana tele köne uñayınnan “Säydäş” mädäniät üzäge “Azatlıq” radiosı xäbärçelären häm 20nçe tatar gimnaziase uquçıların bergä cıydı.

Çärşämbe könne, 21 febräldä böten dönyada Xalıqara Ana tele könen bilgeläp üttelär. Tatarstanda da älege bäyrämne iğtibarsız qaldırmıylar. Respublikada muzeylarda, universitetlarda, urta mäktäplärdä, kitapxanälärdä Ana telenä bağışlap çaralar ütkärelde.

Bu kön uñayınnan “Säydäş” mädäniät üzäge “Azatlıq” radiosı xäbärçelären häm 20nçe tatar gimnaziase uquçıların bergä cıydı. Oçraşuda Azatlıq radiosınıñ Qazan burosı citäkçese Rimzil Wäli häm jurnalist Zarema Xuciäxmätowa uquçılar aldında qızıqlı çığış yasadılar. Alar Xalıqara Ana tele könendä "Azatlıq" radiosınıñ tarixı, anıñ missi’se turında, nindi säxifäläre, şälkemnäre barlığı turında alarğa täfsilläp söylädelär. Berniçä uquçı "Azatlıq" radiosınıñ istälekle büläklärenä layıq buldı.

----------------------------------------------------------------------------------------------

► Açıq mikrofon: Tatar telen üsterü öçen nişlärgä kiräk?

Uquçılar cawabı menä bolay buldı:

- gel tatar telendä genä söyläşergä...
- tatar kitapların uqırğa...
- tatar muzeylarına yörergä...
- tatar gäzitlären kübräk uqırğa...
- tatarça radio tıñlarğa...
- kübräk tatarça söyläşergä, aralaşırğa...
- şağıyrlär belän oçraşırğa kiräk.

"Şağıyrlärdän kemnärne beläsez?" - digän sorawğa balalar:

- Ğabdulla Tuqay,
- Musa Cälil,
- Hadi Taqtaş,
- Fänis Yarullin isemnären atadı.

----------------------------------------------------------------------------------------------

► Tatar tele radio telewidenie yärdämenä moxtac


Cir şarında 6 meñgä yaqın tel bar, ämma här ay sayın ike tel yuqqa çığıp baruı mäğlüm.

Tatarstanda tatar tele däwlät tele itep iğlan itelügä qaramastan, ul däwlät tele däräcäsenä tieşleçä ireşä almadı. Şunıñ öçen dä tatar tele äle bügen dä saqlawğa, yaqlawğa, öyränügä häm üsterügä moxtac, digän fiker belän taralıştı "Säydäş" mädäni üzägenä "Azatlıq" radiosı belän tanışırğa kilüçelär.
XS
SM
MD
LG