Accessibility links

якшәмбе, 4 декабрь 2016, Казан вакыты 01:05

1 ğıynvardan başlap Törkiäneñ däwlät radio-televideniese, TRT-6 yaña kanaıl täwlek buyına üz proğramnarın körd telendä tapşıra başladı.

Törkiäneñ däwlät kanalı TRT-dä, yaña yılnıñ berençe könennän başlap 24 säğät buyı körd telendä TRT-6 kanalı eşli başladı. Kanalnıñ açılışında çığış yasağan premyer Tayip Erdoğan: "TRT-6 kanalı xäyerle bulsıñ", dip kanalnı körd telendä qotladı.

TRT-neñ kördçä kanal buldıru proekte 2004 yıldan äkrenläp ğämälgä aşa başlağan ide. Atnasına yartı säğätlek proğramnar belän Törkiä, Yewropa Berlegeneñ azçılıqlarğa tigez xoquqlar tudıru burıçın ütäw maqsatınnan, ildä azçılıq tellärdä proğramnar eşli başlağan ide.

Läkin 24 säğät körd telendä tapşıru täqdim itkän TRT-6nıñ maqsatları zurdan.

Törkiäneñ kürenekle säyäsi yazuçılarınnan Mustafa Akyol: "Törkiädä, däwlät axır çiktä “homojen” yäğni ber millät buldıru öçen, başqa millät üzençäleklären yıllar buyına tıyu säyäsäte näticä birmäyäçägen añladı bulsa kiräk, xäzer däwlät bu adımın üzgärtep, xalıq küñelen kürer öçen yaña çaralar buldıra başladı", dip belderde.

Törkiädä 15 million körd yäşi dip isäplänä, yäğni ildäge xalıqnıñ 20 %ın diärläk kördlär täşkil itä. Alarnıñ küpçelege Törkiäneñ könçığış yaqlarında, İran, Ğıyraq, Süriä çigenä yaqın könyaq-könçığış töbäklärendä yäşi. Bu töbäklärdäge kördlärneñ küpçelege, bigräk tä awıldağı xalıq üz telendä tapşırular qaraw öçen tälinkälär satıp alıp, Daniadäge berdän-ber körd kanalı "Roj TV"ne qarıy ide. Läkin törek räsmiläre älege kanalnı terror oyışması bulğan PKK, yäğni Körd Eşçe Partiaseneñ propagandalaw maqsatında qullanıla dip däğwa belderä. Häm anı tıyarğa tırıştı.

"TRT-6 proektın buldıru Roj TV propağandasın bastıruda häm xalıqqa alternativ çığanaq täemin itüdä uñışlı ber adım bulıp tora," di Akyol. Şulay itep, TRT-6 bu isäptän kördlär öçen üz telendä tapşırular alıp barğanda, radikal milli nizaqlar tudıruğa qarşı berlek bulırğa çaqıra.

Läkin Akyol däwlätneñ bu adımın kübräk, 21 ğasır çınbarlığın añlap, demokratialäşü yulında kisken adımı bularaq kürä:

"Mäğlümat çaralarınıñ sanı könnän-kön arta. Xäzer xalıq kübräk belä häm iqtisad dönya belän bergä atlıy. Törkiädä däwlät tä körd xalqınıñ küñelen kürergä häm monıñ belän başqalarğa da üzeneñ ni däräcädä demokratiagä tuğrılıqlı buluın kürsätä", di soñğı üzgäreşlär turında Akyol.

30 teldä tapşıru yasağan xalıqara Törkiä awazı radíosınıñ web saxifäse 20 noyaberdän başlap 30 teldä tulısınça eşli başlağan ide. Bu tellär arasında tatarça da bar. Törkiäneñ küptelle kanal buldıru proektınıñ berençese bulğan körçdä TRT-6dan soñ, 2 ğıynwardan başlap ğäräpçä tapşıru proektlarına iğtibar yünälderäçägen beldergän TRT başlığı İbrahim Şahin. 2009 yılda tulısınça inglizçä eşli başlayaçaq xäbär kanalı buldıru öçen citdi eçşänlek alıp barıluın äytte ul.

XS
SM
MD
LG