шимбә, 23 август 2014, Казан вакыты 09:30

дөнья

Качкын Эдвард Сноуден Мәскәүгә килде

АКШ Үзәк күзләү идарәсенең Һоңкоңга качкан хезмәткәре Эдвард Сноуден Мәскәүгә килде. Адвокатлар аңа исеме аталмаган бер илдә сәяси сыену алырга ярдәм итә.

Эдвард СноуденЭдвард Сноуден
x
Эдвард Сноуден
Эдвард Сноуден
АКШ Үзәк күзләү идарәсенең Һоңкоңга качкан хезмәткәре Эдвард Сноуден Аэрофлот очкычы белән Мәскәүнең Шереметьево һава аланына килде. Сноуденның очкыч янында ук дипломат номерлары булган машинага утырып билгесез якка китүе хәбәр ителә.

Russia Today телевидениесе хәбәр итүенчә, Сноуденны шунда ук Эквадор илчелегенең табибы тикшергән. Сноуден Мәскәүдән Һаванага, ә аннан Венесуэла башкаласы Каракаска очар дип көтелә. Июнь ае башында АКШның яшерен күзләү програмнарын матбугатка чыгарганнан соң Сноуден Һоңкоңга качкан иде. Вашингтон аны АКШка тапшыруны таләп иткәннән соң ул аннан китәргә мәҗбүр булды.

Сноуденны хәзер Wikileaks ширкәте адвокатлары озата йөри һәм алар аңа әлегә исеме аталмаган бер "демократик илдә" сәяси сыену алырга ярдәм итәләр.

"Коммерсант" газеты, әгәр дә Сноуден Русиядә сәяси сыену сораса, Мәскәүнең бу мөрәҗәгатьне караячагы турында язды. Русия Дәүләт Думасының Мәгълүмат сәясәте комитеты әгъзасы Роберт Шлегель бу басмага Русия хакимиятенең Сноуден мөрәҗәгатен карарга тиешлеген белдерде. Русия президенты сүзчесе Дмитрий Песков, әгәр дә Сноуденнан андый мөрәҗәгать булса, аның каралачагын әйтте. Песков әйтүенчә, Сноуденның планнары турында Русия берни дә белмәгән.

"Россия в глобальной политике" журналының баш мөхәррире Федор Лукьянов, Русия Сноуден планнарын белү генә түгел, Сноуден Мәскәүгә Русия чакыруы белән килгән, диде. Моны ул Русиянең "Салкын сугыш чоры рухындагы гамәле" дип атады.

Элегрәк Сноуденның Эквадор яки Исландиядә сыенырга мөмкинлеге әйтелгән иде.

Сноуден АКШта һәрбер американны күзәтүче, бер кем алдында да җавап тотмаучы яшерен күзләү машинасы төзелә дигән фикергә килүе һәм моның белән килешмәве сәбәпле бу турыда яшерен мәгълуматларны журналистларга бирергә булганлыгын белдерде.

Сноуденнан алынган мәгълүмат нигезендә газетлар АКШ иминлек хезмәтләренең Verison телефон челтәрендәге сөйләшүләрне һәм Google яки Facebook кебек ширкәтләр аша интернеттагы эшчәнлекне күзәтеп баруы турында тәфсилләп язып чыкты.



Безнең язмаларны Facebook челтәрендә дә күзәтеп бара аласыз. 
Язмада хата күрсәгез, безгә хәбәр итегез: azatliq@rferl.org

бу форум ябык
фикерләр тәртибе:
фикерләр
     
кем: Тарик
05.07.2013 12:03
Казан гражданство бирсен.

кем: Anurbik
23.06.2013 22:00
, чын КЕШЕ.!"
Килешәм.
Ләкин кемлегеңне яшерү.-татарча әйтсәк:" БЕРкатлылык "
төгәл исемеңне..цру..гына түгел кгб,...милитсиялэрДЭ белэ !
шуның өчен күпләр монда фикер язырга шүрли....
Я оппонентын(фикер калдыручыны) "чеметә"
Баребер күбрәк булсак иде...

кем: исемсез кайдан: кайманнан
23.06.2013 20:24
Чын ир-егет, чын кеше.