Казанда торак-коммуналь хезмәтләр өчен халыкның бурычы 2 млрд сумнан артып киткән. Узган елның 1 гыйнварыннан быелның 1 гыйнварына бурычлар 240 миллион сумга күбәйгән. Бу хакта Казанда “эшлекле дүшәмбе”дә торак-коммуналь хуҗалык комитеты башлыгы Искәндәр Гыйниятуллин әйтте.
Казан башкарма комитеты 3 млн сум бурычы булганнарга карата аларны торагыннан чыгаруны сорап, мәхкәмәгә тугыз гариза биргән, шуларның ике очрагында хөкем чыгару оешмалары аны канәгатьләндергән, мәхкәмә тикшерүе барышында өчесе 1 млн сумлык бурычын каплаган.
Чаллыда бурычлы фатирларның бәдрәф торбалары томалануын элегрәк Азатлык инде язган иде.