Эр-Риад – Татарстан президенты Миңтимер Шәймиев Согуд Гарәпстаны башкаласында Фәйзал патша бүләген тапшыру тантанасында катнашты. 30 ел элек булдырылган бу бүләк узган ел "исламга хезмәте өчен" Шәймиевка бирелгән иде.
Шимбә көнне Шәймиев Ислам тикшеренүләре үзәгендә Татарстан республикасы турында лекция белән чыгыш ясады.
Аның шулай ук согуд рәсмиләре белән очрашулары каралган, дип хәбәр итә президентның матбугат үзәге.
