Accessibility links

Кайнар хәбәр

İldä nilär bulıp yata? - 02.V.2008


►Qazanda suqırlar öçen Qorän uqu däresläre ►Başqort televideniesenä üz milläte kiräk, ä ttarnıqına? ►Qazanda qızına başlağannar

--------------------------------------------------------------------------------------------

►Qazanda suqırlar öçen Qorän uqu däresläre

Suqırlar öçen kurslarnı oyıştıruçı imam İldar xäzrät Bayazitov.
Kavkazdan kilgän suqır abzıylarnı qazanlılar üz xisabına Qörän uqırğa öyrätä. Barmaq oçı belän uquçınıñ berse çeçen qartı İmran Mintimerov.

Qaf tawlarınnan kilgän suqır babaylarnı Qazan mäçete üz xisabına uqırğa öyränä. “Söläyman” mäçetendä Dağıstannan da kürmäwçe şäkertlärne uqıtalar. Alar ğömerneñ urtası uzğannan soñ İzge kitap Qöränne uqırğa öyränergä dip Qazanğa kilgän. Tik suqırlar öçen barmaq oçları belän qapşap uqırğa öyränü mömkinlege Rusiädä älegä barı tik Tatarstanda ğına açılğan ikän.

--------------------------------------------------------------------------------------------

►Başqort televideniesenä üz milläte kiräk, ä tatarnıqına?

Bu turıda qararnı UNESCOnıñ General assambläsı 1993 yılda qabul itkän. Afrika illärendäge azatlıq köräşen yaqlaw, azatlıq häm rasa tigezlege öçen bilgelängän bu kön böten dönyada demokratik cämğeyättä matbuğatnıñ irekle häm küp törle buluın küz aldında tota. Dönya cämäğätçelege bu oçraqta Afrikanı ğına tügel, ä böten dönyadağı demokratia yazmışı turında da uylıy.

Xalıqara süz irege könendä milli jurnalistlarnıñ televidenieda nindi tema berençe bulu bezneñ öçen iñ awırtqan närsä. Başqort televideniese öçen östenlekle mäsälä bulıp başqort milli üzañın saqlaw häm kütärü tora. Ä tatarlar qarıy torğan ekranda tema, şulay uq möhim sanalsa da, millätneñ eçke xaläte tapşırularda bik siräk yaqtırtıla. Köndälek xäbärlär arasında 10-15 yañalıqnıñ berse genä dä milli tormışqa bäyle bulmağan çaqlar da yış bula. Rus telendäge tapşırularda tatar tarixı yäisä milli cämäğätçelek tormışı siräk kürsätelä.

Dimäk, tatar milläte üzeneñ matbuğat irege belän qullana almıy, üzeneñ süzen işettermi. Ayırım jurnalistlarnıñ milli bitaraflığı tulı ber millätneñ süz iregen çikläwgä kiterä. Şuña kürä milli ruxlı keşelär qaydadır çittä üzara ğına zarlanıp, milli mänfäğätne uram cıyınında ğına yaqlap bula dip sanıy. Milli üseşneñ ğömüm demoqratik xäräkätneñ ber öleşe buluın berkem belmi küräseñ. 3 mayda süz irege bäyrämen iskä alğan başqa tatar-başqort jurnalistları küzgä taşlanmadı. Andıylar bulsa «Azatlıq»qa xäbär itegez.

--------------------------------------------------------------------------------------------

Qazanda qızına başlağannar

2 mayda tönendä “Quray” radiosı “Revera” aquaparkında qızınu sezonın aça. “Quray” dj-ları kilgän xalıq üzen diñgez yarında yal itkän kebek xis itäçäk dip ışandıra.

Bügenge köndä Qazanda tatar telle radiolar tıñlawçıların arttıru maqsatında törle küñel açu çaraları ütkärä. Monda inde tottıñ da ütkärdeñ tügel, ä nindider üzençälek belän yäki bik küp xalıq cıyıp şou yasaw maqsatı quyıla. “Tatar radiosı” mäsälän “Ermitaj”, “SKJ” kebek zur tönge klublarğa meñlägän yäşlärne cıyıp konsert-diskotekälär yasadı. “Yaña ğasır” Qazanda tügel, ä rayon-awıllarğa iğtibarnı yünältte häm inde menä “Quray” radiosı cäyge qızınu sezonın açabız dip aquaparkta konsert-diskotekä yasıy. “Quray”lılar üzlären mondıy tör çaranı tatar telle radiolar arasında bez berençelärdän bulıp ütkäräbez dilär.


XS
SM
MD
LG