Буш Израиль оешуга 60 ел тулу бәйрәмендә катнаша

АКШ президенты Джордж Буш яһүд дәүләте оешуга 60 ел тулуны билгеләү тантаналарында катнашу өчен Изарильгә килде.

Әлеге сәфәр барышында Буш үз хакимияте тәмамланганчыга кадәр Израиль-Фәлестин солых килешүе төзү максатына ирешү мәсьәләсен дә кайгыртачак. Бушның президентлык мөддәте киләсе елның гыйнварында тәмамлана.

Израильдән соң ул Согуд Гарәбстанына һәм Мысырга бара.