Тәһран: Яңа хисап Иран атом програмының тыныч максатта булуын күрсәтте

Иранның БМО атом энергия идарәсендәге илчесе Али Әсгар Солтания идарәнең соңгы хисабы Тәһранның атом програмы тыныч максатта эшләвен күрсәтте ди.

Фарсы хәбәр агентлыгы Солтанияның Халыкара атом энергия идарәсе хисабы Иранның атом эшчәнлегендә яки атом төш матдәләрендә хәрби максатка йөз тотуын раслаучы дәлилләр булмавын күрсәтте дигән сүзләрен китерә.

Идарә хисабында шулай ук идарәнең Иран үз атом програмы турында мәгълуматларны яшерә дип исәпләве турында да әйтелә.