Грузия президенты Михаил Саакашвили Русия белән низаг аркасында ил 2 миллиард долларлык зыян күрде, дип әйтте. Грузия башлыгы бу хакта Financial Times газетасына биргән әңгәмәсендә хәбәр иткән. Саакашвили Русияне, Грузия хәрбиләре Цхинвалга һөҗүм иткәнче ук, Көньяк Осетиягә танклар кертүдә дә гаепләде. Әмма, Financial Times газетасы, Грузия ягы, низаг башланганчы, 7 августка кадәр, бу хакта әйтмәгән иде, дип билгеләп үтә.
