Accessibility links

Кайнар хәбәр

Ramazan aldınnan Misır Ğazzägä çiklärne açtı


Ğazzä sızığı belän Misır arasındağı Räfah çik kereşe uzğan fivral ayınnan birle berençe märtäbä bügen ike kön öçen açıldı. Misır çik kereşen Ramazan ayı xörmätenä yaxşı niät belän açıluın belderde.

Çiknen irtä belän açıluınnan soñ aylar buyına illärenä qayta almağan 300dän artıq Misır watandaşı öçen illärenä qaytu mömkinçelege tudı. Älege Misır watandaşları, fivral ayında Refah häm tirä yaqtagı çik diwarlarınıñ fälestinnär tarafınnan cimerelüe waqıtına Ğazzägä uzıp kergän läkin sonınnañ qayta almağannar ide. Çikneñ açıluı belän Misır tarafında kötkän Misırlılarnın da Ğazzä yağına kiçüenä röxsät iteläçäk.

Xamas xökümäteneñ sälämätlek ministrı däwalanu öçen möräcäğat itkän 400dän artıq xastaga çikne uzarga röxsät itelüen belderde. Röxsät itelgän keşelärnen isä sälämätlekläre awır bulıp aldan uq möracäğat itkän xastalar buluı xäbär itelä.

XS
SM
MD
LG