Гейтс Әфганстанга күбрәк гаскәр җибәрергә чакыра

АКШ саклану министры Роберт Гейтс Көнчыгыш Европа илләрен Әфганстанга күбрәк гаскәр җибәрергә чакырды.

Гейтс Македониянең Оһрид шәһәрендә Көньяк-Көнчыгыш Европа илләренең саклану министрлары очрашуында чыгыш ясады.

Пәнҗешәмбе һәм җомга көннәрне Гейтс Маҗарстанда НАТО илләре саклану министрлары белән Әфганстандагы көчләрне ныгыту турында сөйләшүләр үткәрә.