Accessibility links

Yewropa iqtisadi krizis belän urtaq köräşkä äzerlänä


Parij – Bügen Eurozona töbägendäge Yewropa illäre citäkçeläre global iqtisadi krizis belän köräşüdä urtaq çara tabu öçen Fransia başlqalasında bergä cıyıldı.

Parijdäge älege cıyın bügen xalıqara aqça fondı İMFneñ global kiyerenkeleknen kiçekmästän birjalarnı şälpärämä kitäräçäge turında yasagan kisätüennän soñ cıyıldı.

Cıyında Britania ürnägendä bulganı kebek, berlektäge illärneñ banklarnı krizistan qotqarıp qalu maqsatında alarga borıç tämin itü mäsäläse kötärelde.

Kiçä Fransiä häm Germania citäkçeläre, eurozonadagı 15 ilneñ krizistan isän qaluı öçen bu illär arasında bergä xezmättäşlek itüeneñ ähämmiätenä tuqtalgan ide.

Xäzergä qadär Yewropa illäre krizis belän üz başlarına köräşä ide.


XS
SM
MD
LG