Шушы елның башыннан сентябрь азагына кадәр Казанның халыкара һава аланы аша барлыгы 603 меңләп юлчы үткән. Узган елның шул ук чоры белән чагыштырганда, әлеге сан 30% югарырак.
Быелның тугыз ае эчендә Казаннан чит илләргә 255 мең кеше очкан, бу өлкәдә үсеш тагын да күбрәк - якынча 40%. Быел Казаннан Истанбул, Анталия, Франкфурт, Варна, Һираклион, Ташкент, Шарм-әш-Шәйех кебек шәһәрләргә очышлар ясалган.
Русия буйлап очучылар саны алай күп артмаган, кешеләр бигрәк Мәскәүгә, Сургытка, Петербурга очкан.
