Косово бәйсезлек игълан итте
1
Меңләгән Косово албаны бәйсезлекнең игълан ителүен ишетү өчен парламент бинасы алдына җыелды.
2
Косово премьер-министры Һашим Тачи парламентта бәйсезлек декларациясен укып, "яңа Косово тынычлык һәм тотрыклылыкка тугры булачак" диде.
3
Приштина урамнары кызыл әләмнәр белән тулган. Йөзләгән албан качагы атна ахырында бәйсезлек тантанасына Косовога кайтты.
4
Приштина урамында "Сербия, хуш!" дип язылган киемле Косово албаннары. Рәсмиләр 72 сәгәтлек мәдәни програм әзерләде, барларда бушка эчемлек тәкъдим ителә.
5
Иминлек борчулары да бар. Этник бүленгән Митровица шәһәрендә француз хәрбиләре тикшерү капкасын бетон блоклар белән ныгыта. Төбәкнең иминлеген 16 мең НАТО хәрбие тәэмин итә.
6
Косово серблары төбәкнең Сербиядән аерылып чыгуына каршы протест чаралары үткәрде. Митровицада серб азчылыгы вәкилләре киләсе адымнар турында уйлана.
7
Йөзләгән серб яшьләре Белградта американ илчелеге алдында Вашингтонның Косово сәясәтенә каршы протест чарасы үткәрде.
8
Приштина урамында американ һәм британ әләмнәре астында "Рәхмәт сезгә!" дигән язулар.
9
Премьер-министр Һашим Тачи һәм президент Фатмир Сэйдиу Косовоның яңа әләмен тәкъдим итәләр.
10
Сербия белән Косово чигендәге Пресево шәһәре янына Сербиянең махсус көчләре килеп урнашты.