Грузия президент сайлый, 5-6 гыйнвар 2008
1
Салкын һава һәм кар явуга карамастан, сайлаучылар бар ил буйлап тавыш бирергә килде. Вакытыннан алда сайлаулар ноябрь аенда хөкүмәткә каршы протест чараларыннан соң игълан ителгән иде.
2
Президент Михаил Саакашвили тавышын биреп чыга. Бу сайлау 2003 ел "гөл инкыйлабыннан" соң Саакашвилига ышаныч белдерү гамәле дип каралды.
3
Тифлис урамында Саакашвили саны язылган шигарь. Сайлау алды ярышында телевизор экраныннан төшмәгән Саакашвили "административ ресурс" куллануда гаепләнде.
4
Бердәм оппозиция намзәте Леван Гачечиладзе Саакашвилига иң көчле көндәш дип санала. Җиңгән очракта ул Грузиядә президентлыкны бетереп парламент республикасы ясарга җыена.
5
Полиция хезмәткәрләре Тифлистә тавыш бирә. Ноябрь аенда протест чараларын кырыс бастырган өчен Грузиянең иминлек көчләре илдә дә, читтә дә тәнкыйтькә тартылды.
6
Тифлистән 60 чакырым ераклыктагы Тохлиаури авылында күзәтүчеләр калай мич янында җылына. Грузиянең үз күзәтүчеләренә өстәп Европада иминлек һәм хезмәттәшлек оешмасы анда 300-дән артык күзәтүчесен җибәрде.
7
Сайлау комиссиясе әгъзалары өлкән яшьтәге һәм хәлсез кешеләрнең тавышын өйдән-өйгә йөреп җыйды. Шушы Тохлиаури авылында шикелле.
8
Президент Михаил Саакашвили тарафдарлары exit-poll нәтиҗәләренә таянып җиңүне бәйрәм итә.
9
Оппозиция намзәте Леван Гачечиладзе тарафдарлары аны яклап урамга чыкты.
10
Грузия оппозициясе Тифлис урамында протест белдерә.