Нино Бурдҗанадзе Мәскәүгә килде

Грузиянең элекке парламент башлыгы Нино Бурдҗанадзе Русия җитәкчеләре белән очрашыр өчен Мәскәүгә килде.

Русиягә китәр алдыннан ул үзенең янә зур сәясәт белән шөгелләнергә ниятләвен белдерде һәм Грузия президенты Михаил Саакашвилины урыннан алырга кирәк дип әйтте. Аның фикеренчә, Грузиядә ирекле сайлауны Саакашвили президент булган чакта үткәрү мөмкин түгел, башта ул китәргә тиеш.