Казанда халыкара музейлар форумы үтәчәк

Казанда 14-18 сентябрь көннәрендә Татарстанның милли музееның 115 еллыгы кысаларында халыкара музейлар форумы үтәчәк. Җыенда Русиянең 90лап шәһәре, шулай ук Беларус, Үзбәкстан, Кыргызстан, Азәрбайҗан, Литва һәм БДБның башка илләре музейлары җитәкчеләре һәм фәнни хезмәткәрләре катнашачак, дип көтелә.

Форумга Дәүләт Эрмитажы, Дәүләт тарихы музее, Рус музее, Русиянең этнография музее җитәкчеләренең дә килүе көтелә.