Башҡортостанда федераль кимәлдәге Юғары уҡыу йорто булырға тейеш. Президент Рөстәм Хәмитов ошо бурысты ҡуя. Һөнәрселек белем биреүҙең кимәлен күтәреү һуңғы ваҡытта мәғариф өлкәһендә көнүҙәк мәсьәләрҙең береһе. Рәсәйҙәге иң яҡшы 7 федераль һәм 29 милли-тикшеренеү университеты араһында Башҡортостандан ВУЗ-дар бөтөнләй юҡ ти президент. Йәштәр уҡыу йорттарына Берҙәм дәүләт имтиханы һөҙөмтәләре буйынса ҡабул ителә. Мәктәптәрҙән һуң иң яҡшы уҡыусылар Мәскәү, Санкт-Петербург, Ҡаҙан, Екатеринбургтың эре уҡыу йорттарына инә һәм шул ҡалаларҙа эш таба. Ә республика ширҡәт һәм ойошмалары талантлы белгестәрҙән мәхрүм ҡала.