Фәлестиннәрнең "Ислам армиясе" исемле сугышчан төркеме яңа ел төнендә Мисырдагы коптларның правослау чиркәвен шартлатуга катнашы булуын кире кага. Бу турыда "Әл-Гарәбия" телевидениесе хәбәр итә.
Ул шартлауда 23 кеше һәлак булды, 100-дән артык кеше яраланды.
Мисыр тышкы эшләр министры Хәбиб әл-Гадле бу һөҗүм артында "Әл-Каидә" сугышчан төркеме белән бәйле "Ислам Армиясе" торуын белдергән иде.
Аның әйтүенчә, "Ислам Армиясенең" бу һөҗүмне әзерләвен һәм гамәлгә ашыруын раслаучы ышанычлы дәлилләр бар.