Либия элемтә төркеме гыйсъянчыларга ярты миллиард доллар вәгъдә итә

Абу-Дабида үтүче Халыкара Либия элемтә төркеме утырышында Либиядәге гыйсъянчыларга ярты миллиард доллардан артык акча бирергә вәгъдә ителде.

Либиядәге хәрби чараларда катнашучы илләр, БМО, Гарәп илләре Лигасы, Африка Берлеге һәм Ислам конференциясе оешмасы вәкилләре әлеге төркем кысаларында Мөәммәр Каддафи хакимияте бәреп төшерелгәннән соң илнең тәрәккыять юллары турында сөйләшә.