Accessibility links

дүшәмбе, 29 май 2017, Казан вакыты 08:43
Йәмән дөньяның иң хәтәр террорчыларның берсе Әнвар әл-Әүләкинең үтерелүе турында белдерде. Ул хакимият көчләре һөҗүме вакытында берничә тарафдары белән бергә юк ителде.

Ләкин АКШ хакимияте вәкилләре журналистлар белән рәсми булмаган сөйләшүләрдә, әл-Әүләки Американың пилотсыз очкычы һәҗүме нәтиҗәсендә үтерелгән дип белдерде.

Әл-Әүләки АКШ-та туган радикал дәгъватчы буларак билгеле. Ул Гарәп ярымутравында “Әл-Каидә” оешмасының бүлекчәсен оештырып аның белән идарә итә. Әлеге оешма иң әүзем сугышчан төркемнәр арасында урын алган.

АКШ һәм башка илләрнең махсус хезмәтләре әл-Әүләкине терактлар оештыруда гаепли.

XS
SM
MD
LG