Гыйракта бомба шартлап 19 кеше һәлак булды

Гыйракның төньягындагы Таҗи шәһәрендә шартлау нәтиҗәсендә 19 кеше һәлак булды, 24 кеше яраланды.

Терор гамәле дүшәмбе иртән шәһәрнең төрмә бинасы янында була. Шартлаткыч куелган машина шартлый. Таҗи шәһәре Багдадтан 25 чакрым ераклыкта урнашкан.

Хокук сакчылары белдергәнчә, төрмәдә утыручылар арасында әл-Каидә террорчылар төркеме вәкилләре дә бар.

Бомба иртән төрмә хезмәткәрләре эшкә килгәндә шартлатылган.