Русиядәге хәрәмләшүләргә каршы чара Тель-Авивта да узды

Тел-Авив – Русиядәге сайлауда тәртип бозуларга каршы протест чарасы бүген Тель-Авивта да узды.

Русиянең Тель-Авивтагы илчелеге каршына чыгышы белән элекке Советлар берлегеннән булган берничә дистә кеше җыелган.

Оештыручыларның берсе, Евгения Могилевская сүзләренчә, бу чарага җыелу турында алар Facebook челтәрендә фикерләшкән.

Шундый ук каршылык чаралары бүген Израилнең Иерусалим, Хайфа шәһәрләрендә үткән.