Президент идарәсендә Русиянең конституцион җыенын чакыруны мәгънәсез дип саныйлар

Русия президент идарәсендә Конституциянең кайбер нигезләмәләрен киредән карау өчен махсус вәкиллек – Русиядә конституцион җыенны чакыруны мәгънәсез дип таптылар.

Идарә башлыгы Сергей Иванов журналистларга белдерүенчә, Русия президенты Дмитрий Медведев Конституцион Җыен турында федераль конституцион канун өлгесен әзерләү өчен тәкъдимнәр кертергә кушылган эшче төркем шундый фикергә килгән.

Конституцион җыенны чакыруны оппозиция вәкилләре таләп итә.