Татарстан парламенты төбәк башлыкларын сайлау тәртибен кайтару өчен тавыш бирәчәк

Татарстан Дәүләт шурасының чираттагы сессиясе көнтәртибенә республика конституциясенең Татарстан президентын сайлау турындагы маддәсен кире кайтару турындагы мәсьәлә кертелде. Парламентның дәүләт төзелеше һәм җирле үзидарә комитеты моңа үзенең утырышын багышлады.

Комитет әзерләгән документта, “сайлау тәртибен кире кайтару 2012 елның 2 маенда кабул ителгән федераль канун нигезендә башкарыла”, диелгән.