Кремль Березовскийның Путинга язган хатын җәмәгатьчелеккә чыгармаячак

Кремль Британиядә вафат булган олигарх Борис Березовскийның Русия президенты Владимир Путинга язган хатын җәмәгатьчелеккә чыгармаячак. Березовский әлеге хатны берничә ай элек җибәргән булган.

Бу хакта якшәмбе көнне ИТАР-ТАССка Путинның сүзчесе Дмитрий Песков белдерде. Шулай ук ул Березовскийга җавап булу-булмавын белмәвен әйтте.