Кырымтатар халкының чираттан тыш корылтае 29 мартка билгеләнде

Якшәмбе көнне Кырымтатар мәҗлесенең киңәйтеләгән утырышында VI чакырылышның чираттан тыш корылтаен 29 март уздыру турында карар кабул ителде. Корылтайның көнтәртибе якын көннәрдә игълан ителәчәк, дип белдерде мәҗлеснең матбугат вәкиле Ләйлә Мөслимова.

28 мартта исә Украина Югары радасы депутаты Мостафа Җәмилевның Нью-Йоркта БМО Иминлек Шурасында чыгышы көтелә.