Мисыр армиясенең элекке башлыгы, шулай ук Мисырның элекке саклану министры Абдел Фәттах әс-Сиси президентлыкка намзәт буларак телевидениедә сорауларга җавап бирде.
Хәбәр агентлыклары генералның сүзләрен китерә. Ул әңгәмә вакытында илдә исламчыл “Мөселман-кардәшләр” хәрәкәте эшчәнлеге туктатылганны һәм әгәр президент булып сайланса, аның кабат җәелүләренә юл куймачаягын белдерде.
Әс-Сиси, “Мөселман-кардәшләр”дән президент булып сайланган Мөхәммәд Мурси хакимияттән читләштерелгәч, үзенә ике мәртәбә һөҗүм итүләрен дә әйтте.
Мисырда президент сайлауда Әс-Сиси төп дәгъвачыларның берсе. Бу сайлауның беренче раунды май ахырында булачак. Әс-Сиси иминлек сәбәпле берничә интервью бирәчәк һәм урам чараларына чыкмаячак, дип хәбәр ителә.
Мисырның беренче демократик юл белән сайланган президенты Мурси хакимияттән читләштерелгәч һәм ябылгач, “Мөселман-кардәшләр” илдә тыелды һәм террорчы оешма дип игълан ителде. Бу хәрәкәтнең лидерлары шулай ук кулга алынды. Мең ярымнан артык Мурси тарафдарлары урам бәрелешләрендә һәлак булды.
Әс-Сиси “Мөселман-кардәшләрне” илдәге вәзгыятьне тотрыксызландырырга тырышуда гаепли.
Хәбәр агентлыклары генералның сүзләрен китерә. Ул әңгәмә вакытында илдә исламчыл “Мөселман-кардәшләр” хәрәкәте эшчәнлеге туктатылганны һәм әгәр президент булып сайланса, аның кабат җәелүләренә юл куймачаягын белдерде.
Әс-Сиси, “Мөселман-кардәшләр”дән президент булып сайланган Мөхәммәд Мурси хакимияттән читләштерелгәч, үзенә ике мәртәбә һөҗүм итүләрен дә әйтте.
Мисырда президент сайлауда Әс-Сиси төп дәгъвачыларның берсе. Бу сайлауның беренче раунды май ахырында булачак. Әс-Сиси иминлек сәбәпле берничә интервью бирәчәк һәм урам чараларына чыкмаячак, дип хәбәр ителә.
Мисырның беренче демократик юл белән сайланган президенты Мурси хакимияттән читләштерелгәч һәм ябылгач, “Мөселман-кардәшләр” илдә тыелды һәм террорчы оешма дип игълан ителде. Бу хәрәкәтнең лидерлары шулай ук кулга алынды. Мең ярымнан артык Мурси тарафдарлары урам бәрелешләрендә һәлак булды.
Әс-Сиси “Мөселман-кардәшләрне” илдәге вәзгыятьне тотрыксызландырырга тырышуда гаепли.
