Уфада 56 яшендә танылган башкорт композиторы, Русиянең атказанган сәнгать эшмәкәре Салават Низаметдинов вафат булды. Тормышын музыкага багышлаган җырчы һәм композитор 200дән артык эстрада җыры, шулай ук театр, нәфис һәм документаль фильмнар өчен көйләр язган. Ул Үчалы районы Миндәк авылыннан, Уфада сукыр һәм начар күрүче балалар өчен махсус мәктәптә, музыка мәктәбендә укыган, Уфа сәнгать училищесын тәмамлаган. Мәрхүм белән хушлашу 30 июль Башкорт дәүләт филармониясендә булачак.  Салават Низаметдинов турында хәтирәләре белән композитор Айрам Кобагошов, җырчы Әлфия Юлсурина уртаклаша.