Россельхознадзор Германиядән кош ите, Италия, Маҗарстан һәм Черногориядән эре терлек итен кертүне чикли. Әлеге карарга күрә, бар төр чи кош итен, кошлар азыгын, кулланылышта булган җиһазларны кертү тыела.
"Италиянең Апулия һәм Тоскана төбәкләрендә блутанг кизүенең яңа очраклары күзәтелгәнгә, аннан эре терлек, кәҗә-сарык, кыргый, зообакча һәм цирк хайваннары, дөя һәм дөя гаиләсенә кергәннәр, эре һәм вак хайваннарның мәниләрен (сперма) 3 декабрьдән вакытлыча кертү тыела", диелә Россельхознадзор сайтында.
