Украина, Русия, Германия һәм Франция җитәкчеләре Украина низагын тикшерү өчен 11 февраль чәршәмбе көнне Минскида очрашырга килеште.
Бу хакта Германия вәкиле Штеффен Зайберт якшәмбедә Петр Порошенко, Владимир Путин, Ангела Меркель һәм Франсуа Олланд арасында узган телефон сөйләшүләреннән соң хәбәр итте.
Зайберт сүзләренчә, Минскига кадәр һәр тарафның вәкилләре Берлинда очрашып киңшмәләр үткәрәчәк.
Украина президентының матбугат хезмәте әлеге килешүләрне раслады.
Русия президенты Владимир Путин исә Мински очрашуы “берничә позиция килештерелгән очракта” узачак дип белдерде. Бу сүзләрен ул якшәмбе Сочида Беларус президетны Александр Лукашенка белән очрашу вакытында әйтте.
Лукашенка Мински очрашуын югары дәрәҗәдә оештырырга вәгъдә итте.