Анкара һәм Истанбулда кырымтатарлар Русия илчелеге каршына чыкты

Февраль башында "Төркиядәге кырымтатар үзәкләре платформасына" берләшкән 42 кырымтатар үзәге берлектә уздырган беренче зур чара Кырымның Русия тарафыннан яулап алынуының бер еллыгына ризасызлык белдерү булды. Русия илчелеге һәм консуллык каршында өч меңләп кырымтатары Русия хакимиятенең Кырымнан китүен таләп итте.