Европада Иминлек һәм Хезмәттәшлек Оешмасының Украинаның көнчыгышындагы вазгыятьне күзәтүче миссиясе вәкилләре хәбәр итүенчә, Широкино авылы янында яңа бәрелешләрдә берничә авыл кешесе һәлак булган, йортлар җимерелгән.
Низагның ике ягында торучылар да Мински сөйләшүләрен үтәми, көч куллануны туктатмый, хәрби техниканы чыгармый, диелгән белдерүдә.
Украина көчләре Донецки өлкәсендәге Авдеевка шәһәрен сепаратистлар утка тота дип хәбәр итте. Моны "Донецки халык республикасы" вәкиле дә раслады.
